有情有意 (已結業)

喺購團見到有任食兩小時意大利菜，原來呢間餐廳聘請部份聾人或弱聽人嘅社企餐廳。餐廳嘅設計感覺舒適，但座位有少少逼。為方便職員與客人溝通，每枱都會有一張手語小貼士以及一紅一白牌，紅色牌為結賬，白色牌為點餐，當舉起牌，職員會過嚟服務。沙律我哋揀咗水牛芝士蕃茄沙律，燒雞肉田園沙律配無花果黑醋，蔬菜新鮮。頭盤嘅煙三文魚慕絲胡麻醬豆腐嘅醬好香，豆腐滑嘟嘟，而黑松露蜜糖烤雞翼冇黑松露味，香草牛油焗新薯，岩鹽燒秋刀魚普通。主菜嘅燒羊扒太熟，焗寶雲酥雞扒，燒澳洲肉眼同埋燒刺身級三文魚扒配刁草忌廉我都唔太欣賞。湯有三款好香濃。呢度嘅意大利飯有黑松露野菌意大利飯，鮮蝦墨汁意大利飯，雞肉紅菜頭蘋果汁意大利飯，好香好好食。意粉我哋試咗卡邦尼意粉，野菌白酒忌廉汁長通粉，兩款味道幾好，但無特別。甜品五款分別係黑森林蛋糕，紐約芝士餅，朱古力沙架餅，黑芝麻豆腐芝士餅，士多啤梨泡芙山雖然唔特出，但作為飯後甜品已足夠。另外呢有埋刺身都係任食，款式算多以及質素唔差，夠新鮮。