Ristorante Pizzeria Da Vincenzo

營業中

休息中

今日Lunch Time食意大利菜，小小的餐廳(大約5-6張枱，好似係2張4人枱，其他的都是2人枱)，不過卻有了一個精彩的體驗。坐低即送上小麵包一件，個樣似蛋糕仔，不過其實係車尼茄小麵包，仲跟埋橄欖油同黑醋比你點黎食。前菜二選一，可以揀雜菜沙律或者是日餐湯，個雜菜沙律非常有誠意，D雜菜夠晒新鮮，落埋少少黑醋落去好正。個Main Course都有好多款式，我就揀咗廚師推介嗰個Menu上面的意粉，叫做特大長通粉(Paccheri)配意大利豬肉腸、茄子及芝士(Provolone)。個特大長通粉都算厚身，煙韌彈牙，D芝士好香，係用真芝士而唔係求其落D芝士粉，佢個汁好惹味，整體味道偏濃，所以食完就好飽。包埋餐飲，$108再加一，都幾抵食。