Green Orange

最近經同事介紹左一間主題係食黑松露既樓上意大利西餐廳俾我，咁鍾意食既我，一於叫埋朋友去試下la~~~地點方便又易搵, 地鐵一出過條馬路就到la~~上到去個環境真係唔錯，樓底夠高，又有吊燈，吊扇，寧靜舒服，嘩！枱上有蠟燭，仲播住英文慢歌，已經覺得好有情調…...今次真係燭光晚餐la~~食西餐，餐湯+前菜+主菜+甜品，缺一不同一上枱已經垂涎三尺la~~香噴噴既黑松露，湯上黑色點點既松露碎同松露油，搞勻之後香味即刻再上升，湯內仲有好多雜菌，材料十足。正 !脂香肥美既鵝肝入口即融，唔覺有任何肥膩，多士鵝肝醬上仲有黑松露，完全係完美既組合，Prefect!!!用左麵包蟹蓋裝滿Creamy既白汁意大利飯，粒粒飯都咁煙韌，再放埋大量蟹肉同芝士，蟹肉汁滲入飯，真係色香味咩都有，蟹蓋旁放有一碟黑松露醬，沙律菜拌底，齒頰留香。最後甜品當然要試意大利直接入口既檸檬雪葩，入口即溶，清新既檸檬味，酸酸甜甜又夠凍，透心凉，最啱e+咁熱既天氣食！