影片
更多
2023-10-17
40 瀏覽
上星期二有啲工作上嘅需要過去觀塘, 順便約埋個朋友仔high tea傾下偈, 我個朋友話唔係咁肚喎, 所以揀咗間有啲文青feel嘅西式餐廳, 填飽個五臟六腑, 呢間餐廳唔算難搵由地鐵站行過去大約六七分鐘左右.依間其實係一間意大利餐廳其實都有好多選擇, 有pizza、有鵝肝、有意粉、 有飯亦有甜品, 食物款式真係多不勝數琳羅滿目, 而我哋真係唔係真係太肚餓, 所以揀咗個英國下午茶餐, Table for Two... 呢個英式茶餐款式總共有12個款式 , 仲可以配埋飲品, 雖然細細件但係都好飽肚好好味！ 有明太子蟹肉酥盒, 味道新鮮鬆化蟹肉鮮甜, 水牛城雞翼即煎畀你食, 法國焗田螺唔係咁啱我畀咗我朋友試, 而我同我朋友都鍾意食煙三文魚花卷, 細細件入口即溶化我的心靈, 朱古力松露蛋糕真係好重松露味, 迷你芝士蛋糕最啱我口味, 仲記得好似係有檸檬味更加好好食回味無窮, 最特別嘅係黑松露蛋沙律手指治, 望落去好似硬崩崩原來都好軟熟超重黑松露味好正啊！今日精點就係水果班戟, 呢一日時令係我最鍾意嘅芒果再加忌廉放上班戟, 咁樣食真係未試過！木糠布甸同馬卡龍就食得多, 依次食落好新鮮同好鬆化, 個
依間其實係一間意大利餐廳其實都有好多選擇, 有pizza、有鵝肝、有意粉、 有飯亦有甜品, 食物款式真係多不勝數琳羅滿目, 而我哋真係唔係真係太肚餓, 所以揀咗個英國下午茶餐, Table for Two...
呢個英式茶餐款式總共有12個款式 , 仲可以配埋飲品, 雖然細細件但係都好飽肚好好味！ 有明太子蟹肉酥盒, 味道新鮮鬆化蟹肉鮮甜, 水牛城雞翼即煎畀你食, 法國焗田螺唔係咁啱我畀咗我朋友試, 而我同我朋友都鍾意食煙三文魚花卷, 細細件入口即溶化我的心靈, 朱古力松露蛋糕真係好重松露味, 迷你芝士蛋糕最啱我口味, 仲記得好似係有檸檬味更加好好食回味無窮, 最特別嘅係黑松露蛋沙律手指治, 望落去好似硬崩崩原來都好軟熟超重黑松露味好正啊！
今日精點就係水果班戟, 呢一日時令係我最鍾意嘅芒果再加忌廉放上班戟, 咁樣食真係未試過！木糠布甸同馬卡龍就食得多, 依次食落好新鮮同好鬆化, 個日式蛋捲細細份但係都好好味, 嗰件刁草蝦脆薯 原來係用脆薯餅再加入餡料而成入口當然好鬆化啦, 我就飲咗杯凍檸茶加朋友一杯凍檸水, 邊食邊飲真係與眾不同！
張貼
