影片
更多
2017-12-27
376 瀏覽
今日去左呢間係觀塘工廠區一間上門意大利餐廳，現場環境光猛陳設都比較簡單，感覺舒服既。老闆娘好主動熱情招呼外，亦好詳細咁介紹餐牌內每款食品，呢度賣點係比較家庭式既意大利菜式。最後我就叫左幾款老闆娘推介既主打既意大利手工菠菜芝士雲吞餡配黑松露忌廉汁、焗辣汁八爪魚薯仔配麵包、檸檬水及朱古力雪糕。首先頭盤有個意大利包配黑醋，呢個陳年黑醋都有成廿幾年，入口有的酒味，配埋個麵包，味道非常之好。跟住到杯檸檬水，味道好清新，甜度剛剛好亦唔會太酸，飲完唔會好口乾。跟手到主菜啦，上枱時已經聞到好香既黑松露，意大利雲吞入面的肉餡好新鮮、份量又夠大，兩個女士叫一碟就剛剛好。而老闆娘見我第一次食就送左兩塊煙火腿配橄欖油既雲吞，個火腿好香好好味。之後到個辣汁八爪魚配意大利薯仔，八爪魚大大隻配埋辣汁好開胃，另外意大利麵包加上茄醬好新鮮，不過最驚喜就係意大利薯仔，煙煙韌韌，唔似普通既馬鈴薯咁樣一咬就散晒，口感似麻薯。最後，就係到朱古力雪糕配齋啡，雪糕融左後加上齋啡就變成cappuccino，口感好豐富啊。另外係餐廳入面corner位有的現成產品，例如有黑、白松露、雲吞皮、釀左成幾十年既陳年黑醋、意大利火腿等都係意大利
老闆娘好主動熱情招呼外，亦好詳細咁介紹餐牌內每款食品，呢度賣點係比較家庭式既意大利菜式。
最後我就叫左幾款老闆娘推介既主打既意大利手工菠菜芝士雲吞餡配黑松露忌廉汁、焗辣汁八爪魚薯仔配麵包、檸檬水及朱古力雪糕。
首先頭盤有個意大利包配黑醋，呢個陳年黑醋都有成廿幾年，入口有的酒味，配埋個麵包，味道非常之好。
跟住到杯檸檬水，味道好清新，甜度剛剛好亦唔會太酸，飲完唔會好口乾。
跟手到主菜啦，上枱時已經聞到好香既黑松露，意大利雲吞入面的肉餡好新鮮、份量又夠大，兩個女士叫一碟就剛剛好。
而老闆娘見我第一次食就送左兩塊煙火腿配橄欖油既雲吞，個火腿好香好好味。
之後到個辣汁八爪魚配意大利薯仔，八爪魚大大隻配埋辣汁好開胃，另外意大利麵包加上茄醬好新鮮，不過最驚喜就係意大利薯仔，煙煙韌韌，唔似普通既馬鈴薯咁樣一咬就散晒，口感似麻薯。
最後，就係到朱古力雪糕配齋啡，雪糕融左後加上齋啡就變成cappuccino，口感好豐富啊。
另外係餐廳入面corner位有的現成產品，例如有黑、白松露、雲吞皮、釀左成幾十年既陳年黑醋、意大利火腿等都係意大利直送，價錢都算合理。
呢次用膳大約消費都係百五蚊左右，價錢合理亦比較經濟。適合同的朋友或者拖友，享受寧靜既地方呢度都唔錯既選擇。
張貼
