M3 Italian (已結業)

同朋友係沙田踩完單車，去左沙田圍嘅M3食意大利菜。餐廳推出四週年特選優惠，喜歡食海鮮同鵝肝嘅食神有口福啦。餐廳採用木檯木椅，加上柔和燈光，有一種沉實、穩重同舒適嘅感覺。牆上繪畫已繪出餐廳食物特色，例如意大利粉、餐飲、意大利飯、湯、薄餅、甜品等。坐下不久，服務員送上焗暖嘅餐包。餐包外面煙韌，入面鬆軟，再點埋橄欖油同醋，特別好味！粟米忌廉湯~夠熱，濃度適中，好creamy同香滑，配搭餐包同樣出色。意式香草醬海鮮薄餅~紅紅綠綠，顏色鮮艷。餅底上放上肉質彈牙嘅帶子、八爪魚、蟹肉、蝦等材料十足嘅海鮮，再加上芝士。焗好嘅pizza香噴噴，餅邊香脆，中間芝士同海鮮混和，煙煙韌韌，好有口感，但完全吾漏。香草醬就帶出pizza特別的香味，同平時食到嘅有分別。焗阿拉斯加長腳蟹意大利飯~上層蔬菜夠新鮮，中間嘅芝士焗到金黃色，時間控制得啱啱好,芝士完全無融。意大利飯就粒粒分明，煙韌有口感，而且加入洋蔥粒，令到飯更加鮮甜。軟心朱古力蛋糕伴雲呢拿雪糕～擺設好有心思。本來一黑一白，一冷一熱，成對比。中間加左紅色心心(士多啤梨)同龍吐珠將兩者融和一體！雪糕細滑好香雲呢拿味。而朱古力蛋糕就軟硬適中，中間流心朱古力醬味夠