影片
更多
2022-08-22
141 瀏覽
📍𝐏𝐢𝐜𝐢 - #YFF銅鑼灣 💎【意式情調悠閒氛圍🥂 人氣正宗手工意粉專門店🍝】呢間正宗嘅意大利餐館相信好多人都唔會陌生，餐廳主打每日新鮮自家製意粉，開業以來人氣有增無減，近日仲強勢進軍銅鑼灣開設第九間分店。新店提供4款獨家菜式，其他分店食唔到架～ 身為pirata group嘅fans，我地緊係要黎朝聖下啦🫡❝Tasting Menu❞— $290/person\ 𝐒𝐭𝐚𝐫𝐭𝐞𝐫𝐬 \➤ Octopus salad 八爪魚沙律<CWB新店獨家菜式> 新鮮切片八爪魚伴上薯仔、橄欖同埋火箭菜，再淋上檸檬奧勒岡汁。調味以酸味為主，微酸味道食落幾開胃。八爪魚份量頗多，但煮得偏軟腍，個人更偏好較彈牙爽口嘅口感🧐➤ Tuna Tartare 吞拿魚牛油果他他必點‼️係我最愛嘅PICI前菜🤩沒有之一！切成粒狀嘅牛油果混合埋吞拿魚肉，味道新鮮完全冇腥味，口感滑嫩，加埋醃製過嘅紅洋蔥同埋秘製醬汁，食落酸酸甜甜好開胃惹味。呢個組合真係冇得輸，夏日必食👏🏻\ 𝐏𝐚𝐬𝐭𝐚 \➤ Double Ravioli Pumpkin & Ricotta 南瓜芝士雙重意式雲吞配辣肉腸牛油汁<CW
【意式情調悠閒氛圍🥂 人氣正宗手工意粉專門店🍝】
呢間正宗嘅意大利餐館相信好多人都唔會陌生，餐廳主打每日新鮮自家製意粉，開業以來人氣有增無減，近日仲強勢進軍銅鑼灣開設第九間分店。新店提供4款獨家菜式，其他分店食唔到架～ 身為pirata group嘅fans，我地緊係要黎朝聖下啦🫡
❝Tasting Menu❞— $290/person
\ 𝐒𝐭𝐚𝐫𝐭𝐞𝐫𝐬 \
➤ Octopus salad 八爪魚沙律
<CWB新店獨家菜式>
新鮮切片八爪魚伴上薯仔、橄欖同埋火箭菜，再淋上檸檬奧勒岡汁。調味以酸味為主，微酸味道食落幾開胃。八爪魚份量頗多，但煮得偏軟腍，個人更偏好較彈牙爽口嘅口感🧐
➤ Tuna Tartare 吞拿魚牛油果他他
必點‼️係我最愛嘅PICI前菜🤩沒有之一！切成粒狀嘅牛油果混合埋吞拿魚肉，味道新鮮完全冇腥味，口感滑嫩，加埋醃製過嘅紅洋蔥同埋秘製醬汁，食落酸酸甜甜好開胃惹味。呢個組合真係冇得輸，夏日必食👏🏻
\ 𝐏𝐚𝐬𝐭𝐚 \
➤ Double Ravioli Pumpkin & Ricotta 南瓜芝士雙重意式雲吞配辣肉腸牛油汁
<CWB新店獨家菜式>
雙口袋意大利雲吞包裹兩種餡料，一半係煙燻瑞可塔芝士，而另一半就係香滑南瓜蓉，上面淋上辣肉腸牛油汁。軟滑嘅雲吞皮夾埋南瓜嘅香甜，再加上芝士嘅鹹香，味道豐富有層次，食落濃郁但絕不會膩🎃
➤ Farfalle Prawns & Pesto大蝦香草醬煲呔麵
<CWB新店獨家菜式>
新鮮手製小煲呔意粉拌上自家製嘅薄荷羅勒青醬，香草醬掛滿意粉之上，麵質煮得剛好，非常al dante，而青醬獨特嘅香氣亦非常惹味，令人非常滿足。配料加入咗大蝦同埋香脆開心果，前者新鮮爽彈，後者香脆有口感，成碟意粉嘅層次好豐富～
➤ Tagliolini Truffle 鮮刨黑松露細扁麵
醬汁以牛油、紅葱同埋白松露醬煮成，份量啱啱好，每條麵條都掛到汁，食落好有風味，但絕對唔會吃到成口都係醬，整體味道頗輕盈，完全唔會厚重。面頭加入滿滿新鮮即刨嘅黑松露片，賣相澎湃，此舉增加松露味道層次，食落truffle香氣充滿口腔，絕對係畫龍點作之作。
\ 𝐃𝐞𝐬𝐬𝐞𝐫𝐭 \
➤ Tiramisu
Pici嘅tiramisu不嬲都係佢地嘅招牌名物，每次到訪都係必試之選。大家知唔知道正宗嘅tiramisu係加入咗生蛋製作架？呢到嘅tiramisu比起坊間嘅基底顏色更為鮮黃，食落帶淡淡蛋香，相信佢地應該係用咗高質素嘅雞蛋製作～以玻璃水杯盛載嘅Tiramisu外表平實，但味道非常有驚喜，質感既rich又creamy，口感軟滑濕潤。不過略嫌酒味唔算突出，而且手指餅份量較少，個人認為可以平衡返mascarpone cheese同手指餅嘅比例就更好喇～
\ 𝐃𝐫𝐢𝐧𝐤𝐬 \
➤ Italian Passion ($65)
熱情果加上檸檬、羅勒調製而成嘅soda~ 飲落酸甜清新，非常refreshing! 🍸
➤ Raspberry & Peach Soda ($65)
呢杯梳打以覆盆子、檸檬以及蜜桃製作而成，飲落莓味幾出，但略嫌偏甜左少少，不過啖啖氣泡飲落爽得黎好消暑😻
-
張貼
