影片
更多
2021-12-02
395 瀏覽
天氣一凍就瘋狂地想食肉、澱粉質 、好heavy😈嘅食物(增肥嘅日子到啦)🌬今次想介紹嘅係中環同金鐘都有分店的Pizza Project🍕在weekend大概18:30入座，餐廳都差唔多滿座。由於事先大家(除左壽星仔)都知道會有生日蛋糕，加上大家又細食又唔肚餓，所以決定散叫就算😣 如果大家胃口幾好/想試多D款式，我地會推介大家要食佢地性價比極高嘅 Tasting Menu (必須全枱同時選用Tasting Menu)🌟Insalata Rucola E Fichi我地揀左個沙律做前菜，材料有火箭菜🥬、無花果、青蘋果🍏、核桃、巴馬臣芝士🧀、意大利黑醋。呢個沙律絕對係清新不敗之選！黑醋嘅甜果味和淡淡木香、無花果嘅清甜配上青蘋果和核桃嘅爽脆、火箭菜嘅輕微苦澀、芝士嘅咸香，所有材料配合時口感同味道都好豐富👍🏻🌟Gnocco Fritto - Smoked Salmon喺冇Google純賭博嘅情況下，我地就點左個❓❔+煙三文魚🙂 好彩嚟到嘅時候見到係類似炸多士嘅物體，大家都鬆一口氣😮💨原來係油炸麵糰，表面就有煙三文魚、Ricotta Cheese 乳清芝士同埋蝦夷蔥。炸麵團脆口不油膩，細蔥能夠減
今次想介紹嘅係中環同金鐘都有分店的Pizza Project🍕
在weekend大概18:30入座，餐廳都差唔多滿座。由於事先大家(除左壽星仔)都知道會有生日蛋糕，加上大家又細食又唔肚餓，所以決定散叫就算😣
如果大家胃口幾好/想試多D款式，我地會推介大家要食佢地性價比極高嘅 Tasting Menu (必須全枱同時選用Tasting Menu)
🌟Insalata Rucola E Fichi
我地揀左個沙律做前菜，材料有火箭菜🥬、無花果、青蘋果🍏、核桃、巴馬臣芝士🧀、意大利黑醋。呢個沙律絕對係清新不敗之選！黑醋嘅甜果味和淡淡木香、無花果嘅清甜配上青蘋果和核桃嘅爽脆、火箭菜嘅輕微苦澀、芝士嘅咸香，所有材料配合時口感同味道都好豐富👍🏻
🌟Gnocco Fritto - Smoked Salmon
喺冇Google純賭博嘅情況下，我地就點左個❓❔+煙三文魚🙂 好彩嚟到嘅時候見到係類似炸多士嘅物體，大家都鬆一口氣😮💨原來係油炸麵糰，表面就有煙三文魚、Ricotta Cheese 乳清芝士同埋蝦夷蔥。炸麵團脆口不油膩，細蔥能夠減輕Ricotta Cheese嘅滯膩同提升呢味菜式層次，配上煙三文魚真係好匹配👍🏻
🌟Carbonara Pizza
薄餅的餡料以番茄醬為底，餡料有鵪鶉蛋🍳、煙肉🥓同埋水牛芝士。薄餅一分為六，每件薄餅上都有一粒鵪鶉蛋，煙肉焗得非常脆同充滿油香，好似食緊All Day Breakfast😍
🌟Parma Pizza
薄餅有巴馬臣火腿、火箭菜和水牛芝士。Parma Ham份量慷慨，肉質幾軟滑，油脂亦平均。加上芝士碎片嘅咸香，岩曬重口味嘅你😝
🌟Tiramisu
本身我哋冇叫Tiramisu，店員見我地同朋友慶祝生日咁開心🎂，就送咗一客比我地share😍 Tiramisu面層鋪滿好薄嘅可可粉，Mascarpone Cheese層好輕盈同富有蛋香(而冇蛋腥味😂), 手指餅層濕潤又重咖啡酒味☕️食完冇負擔！
在用餐後店員會送上每位1 Shot Lemoncello🍋，同客人一齊飲用🥂令👧🏻諗返起當年喺意大利🇮🇹食完晚餐店員都係送上檸檬酒，促進腸道消化😂
🌟店員們都十分友善+Helpful😍
🌟晚市沒有訂座
張貼
