影片
更多
2017-02-24
790 瀏覽
行完旺角唔想再掃街，一於食下d意式餐廳。由於我係接近下午餐時段先入去，所以都唔使點等位餐廳入面嘅氣氛唔錯幾浪漫有少少暗加上播住西式嘅音樂，令成個環境更好。餐枱上都唔會污穢餐具幾整齊。叫左一個飯加一個薄餅，首先講下個飯先，係黑松露野菌意大利飯，都要等成三個字先由一上枱好香濃嘅野菌同青椒味好突出，返嘅濕度同硬度適中，每一粒飯都會黐住少少汁嘅味道好香濃。香草味唔算好多，反而野菌的味國和青椒味好岀，滲曬落個飯到。令我呢d平時唔食青椒的人都會肯主動食。至於黑松露嘅味道唔算得出，因為被其他配料遮蓋。但都會見到有少少黑色一點點就係黑松露。份量唔細，夠我同女朋友食到四分飽。另外就叫左一個香草芝士薄餅，薄餅嘅餅底真係好似普通餅乾咁薄咁脆。加上面頭濃濃嘅番茄醬。芝士會同番茄醬溶埋一齊，芝士主要集中係前部分。芝士好重味以及可以拉到好長芝，由於芝士同蕃茄味道太多太香濃。所以掩蓋左香草嘅味道食唔都有香草味。份量方面都唔細，有20cm咁闊，食完會有d滯，因為好多芝士😍飲品方面飲咗焦糖朱古力，朱古力好香濃同好滑，可能加左煉奶所以令整體就咁更加smooth 。焦糖味飲唔到因爲朱古力味太岀。飲品上整體相對上甜，不過對於
黑松露野菌意大利飯
15 瀏覽
0 讚好
0 留言
叫左一個飯加一個薄餅，首先講下個飯先，係黑松露野菌意大利飯，都要等成三個字先由一上枱好香濃嘅野菌同青椒味好突出，返嘅濕度同硬度適中，每一粒飯都會黐住少少汁嘅味道好香濃。香草味唔算好多，反而野菌的味國和青椒味好岀，滲曬落個飯到。令我呢d平時唔食青椒的人都會肯主動食。至於黑松露嘅味道唔算得出，因為被其他配料遮蓋。但都會見到有少少黑色一點點就係黑松露。份量唔細，夠我同女朋友食到四分飽。
另外就叫左一個香草芝士薄餅，薄餅嘅餅底真係好似普通餅乾咁薄咁脆。加上面頭濃濃嘅番茄醬。芝士會同番茄醬溶埋一齊，芝士主要集中係前部分。芝士好重味以及可以拉到好長芝，由於芝士同蕃茄味道太多太香濃。所以掩蓋左香草嘅味道食唔都有香草味。份量方面都唔細，有20cm咁闊，食完會有d滯，因為好多芝士😍
飲品方面飲咗焦糖朱古力，朱古力好香濃同好滑，可能加左煉奶所以令整體就咁更加smooth 。焦糖味飲唔到因爲朱古力味太岀。飲品上整體相對上甜，不過對於一啲鍾意甜品嘅人可能會覺得好好飲。我都幾中意。餐廳店員都幾細心同會好積極幫你收起用完的餐具，建議大家可以坐餐廳覺中央或者近門口的部份，油煙味相對較輕。
張貼
