影片
更多
2004-05-14
5 瀏覽
同兩個外籍朋友食飯，不能否認她們每一次都為我帶來驚喜。上一次介紹了一間絕密的尼泊爾私房菜，秘密到係好食都唔可以同人介紹，淨係可以招呼自己友。今次好D，起碼在大街大巷，見得光。呢度係以前Hubhub果個舖位，即半山自動行人電梯旁，據了解只是開左兩個星期。有三層樓高，地下賣咖啡甜品蛋糕，二樓室內餐廳而三樓就露天餐廳。裝修得幾靚，幾好坐。據佢地介紹呢度全店採用環保物料，油漆是全天然，而木傢俱又係再種植木材，好環保，亦講到好勁咁。同南丫島南島書蟲係同一個老闆，食物亦以有機素食為主，菜、麵包、雞蛋、意粉、橄欖油、豆類、芝士、意粉、啤酒、咖啡、茶等全部organic，真係好唔好食就未知，不過應該幾有益。星期四晚八點鐘都坐到滿，清一色全部是洋人，成場得我一個本地人為港增光。餐牌設計幾得意，選擇不很多，全英文不是問題，問題在於好多英文是南美或非洲的穀物名，實在唔知係咩。不過侍應們都好友善地熱心講解，而佢地又會主動推介食物，所以點菜不會是大問題。有機當然係大部份都是素食。咁貴為一個食肉獸的我，會唔會食唔飽呢？我朋友話擔保唔會，所以由她發辦，叫了非洲Ground Nut Stew、牧羊批Shepherde
呢度係以前Hubhub果個舖位，即半山自動行人電梯旁，據了解只是開左兩個星期。有三層樓高，地下賣咖啡甜品蛋糕，二樓室內餐廳而三樓就露天餐廳。裝修得幾靚，幾好坐。據佢地介紹呢度全店採用環保物料，油漆是全天然，而木傢俱又係再種植木材，好環保，亦講到好勁咁。同南丫島南島書蟲係同一個老闆，食物亦以有機素食為主，菜、麵包、雞蛋、意粉、橄欖油、豆類、芝士、意粉、啤酒、咖啡、茶等全部organic，真係好唔好食就未知，不過應該幾有益。星期四晚八點鐘都坐到滿，清一色全部是洋人，成場得我一個本地人為港增光。
餐牌設計幾得意，選擇不很多，全英文不是問題，問題在於好多英文是南美或非洲的穀物名，實在唔知係咩。不過侍應們都好友善地熱心講解，而佢地又會主動推介食物，所以點菜不會是大問題。有機當然係大部份都是素食。咁貴為一個食肉獸的我，會唔會食唔飽呢？我朋友話擔保唔會，所以由她發辦，叫了非洲Ground Nut Stew、牧羊批Shepherdess Pie同Dhal，好似話係呢度幾個拿手的菜色。
先來幾支有機啤酒，酒身偏紅色，酒身較薄亦略寡，加上要68蚊一支，幾貴。但諗住係有機小麥製成，有益好多咁就身心舒暢啦！
幾個菜先後上檯，賣相不錯又幾大埋頭。非洲Ground Nut Stew係一兜醬豆，入面有好多種豆，伴碟有一堆叫quinoa的南美州米，完全未聽過但侍應姐姐話好豐富蛋白質。醬豆味道幾好，用來撈quinoa唔錯，而quinoa細細粒幾有口感，呢個菜幾好味；
牧羊批以砵仔上，外表好似焗禾蟲。材料都幾多，面頭有一層焗薯蓉，餡料有各類的豆、薯仔、茄子及蘑菇，調味的有橄欖油檸檬汁做的醬，食落都算好味，連伴碟的什菜沙律，非常之飽肚，或者話係漏都得，所以建議幾個人分，係幾難獨食食得完的，亦應該係幾健康；
Dhal係中東食品，有一碗幾濃的熱湯及一堆糙米同蒸菜。熱湯的材料日日唔同，會寫在塊黑板上面，我們吃的一晚是red lentil。食法好簡單，就係糙米加湯，食埋呢樣，想唔飽同健康到痺都唔得啦！
結果甜品三個人都只係叫左一件檸檬蛋糕，唔使問阿貴當然係有機檸檬同未經處理的糖去做，味道都唔錯。用來點的鮮打紅莓醬酸溜溜的幾配合，唔使講紅莓又是有機的。55蚊一件，唔平，當然食時諗住健康無價，咁就舒服好多！
埋單五百九十幾，一人要二百蚊，絕對唔算平。但鑑於在香港有機食品在市場的價錢都很昂貴，加上位處Soho及地方幾好坐，加上其環保社區的概念亦值得推廣，所以都算物有所值。如果想追求健康或食下新野，呢度都絕對值得一試。
侍應全部是年青人，好有朝氣亦樂於助人，親切有禮，值得一讚。原本呢度會是本人千幾間食肆中第三間拿全滿分的。但有一樣要彈，就係呢度唔不設訂坐，要上到來才知有無位。不過鬼妹經理話人多就可另作安排咁話。咁巴閉？有見及此，服務一欄扣佢半分﹝四捨五入，即係一分﹞！
不過我一路食一路諗住九記的半肥腩伊，唔好問我點解！……當然無諗過D伊麵係唔係有機麵粉同油做。
張貼