稻埕飯店 (V Point) (已結業)

好耐無約屋企人全家一齊食餐好，難得今日大家都放假/收早，我地就出左銅鑼灣食餐好今日黎到呢間「稻埕飯店」，裝修得勁靚，父母即刻係咁係門口打卡呢到主打台灣野食，平時食台灣野都係諗起魯肉飯、鹽酥雞，無諗到可以整到咁靚，成個感覺好high class前菜話梅小山藥，好爽口，酸酸甜甜勁開胃白滷水九孔魷魚，好入味，比想像中軟身彈牙，平時食個啲都覺得有啲韌，呢到好淋易咬，正蟹肉蛋白泡泡脆米湯，隻蛋白入面好多泡泡，有啲好creamy既感覺，幾得意，成個湯好香甜，我地全家都搶住飲鵝肝牛小排，外邊好似韓燒咁加左蛋，好靚牛小排勁香勁重牛味，軟淋淋好口感鹽酥波士頓龍蝦，好鮮甜，外邊仲有啲脆米通、南瓜、秋葵，成道菜都好香口黑松露解百合花，落左好重牛油，百合花勁入味，不過食到底見到好多油係到但味道真係無得彈！八斗子炒飯，用左大蝦、帶子、豬肉鬆、鴨肉等等，勁足料，個飯又炒得乾身，好好味