湯加 (天晉匯)

營業中

休息中

之前叫過Keeta印象都唔差，日前Halloween晚行行吓經過，於是試吓堂食。先講嘢食，叫咗個雞燉湯加白飯(本來想叫蹄花湯佢又冇，烏雞湯佢又冇)，個湯比一般常見燉湯大一倍，熱辣辣，有隻嫩肉雞脾，送飯都唔錯，而且可以免費添飯，覺得價錢好合理。樓面方面… 都唔知點講，一入到去就有個幼稚園妹妹喊到拆天扭計，店內超級應聲，淨係聽到個家長同佢講再嘈會被店員趕佢走，卻冇心自行抱出去幫佢冷靜，於是係咁嘈係咁嘈，另一面店內系統又間歇大大聲報接到keeta單，然後又不停有電話響，樓面得兩個店員，已經好好脾氣爽手做，但感覺真係好嘈好混亂，直到個妹妹走咗先開始靜落嚟。食完之後覺得下次想食都係叫外賣算了。