Will's Coffee (已結業)

之前經過過但鋪位好細好似無咩位堂食，所以今次中午見佢係外賣平台有，又做緊滿$150九折，一於試下。叫左番茄大蝦意粉、泡菜豚肉原味bagel, 加西柚梳打espresso. 中午外賣既等候時間比較長，但黎到因為外賣包裝非常好，野食都係暖既，最重要係飲品都先胖層紙包好再用蓋再用紙托，所以無倒瀉，十分滿意。講反食物，兩樣都好食，食落唔油，算係比較健康，番茄味都重，大蝦又有幾隻都彈牙既，仲有小小魷魚，但如果意粉可以硬身小小同埋魷魚可以用大d個隻就比較好。 Bagel有四隻味，揀左原味，口感又ok喎，加埋泡菜呢個配搭幾新奇而食落又match, 佢唔會好重醬或油，起初都怕會多醬又咸，但食落無呢個問題，好評。最後飲品都出色，西柚味唔會蓋過espresso, 加埋soda好開胃，飲完好想再飲，不過下次如果可以的話可以試下有無得小甜，試吓咩味，呢間小店值得再幫襯。