好日咖啡店 (已搬遷) 新店位置

同友人係銅鑼灣又意外發現到美食，要報導一下。店既外面似係一間普通既cafe，但凡事都唔可以睇表面，佢地既料理一點也不平凡。爽瓜瓜熔岩牛肉芝士漢堡。個名好長，但重點有哂厚厚牛肉，加上爽脆青瓜，再配上店家特調花生醬， 好正。首先個花生醬無想像中咁「杰身」，反而好順口但又保留濃濃既花生醬味。牛肉同青瓜比例好好，牛肉本身唔算濃味，同埋清爽既青瓜令到個包唔會淨係得花生醬味。特濃香烤芝士忌廉什菌雞肉意粉。店員聽到我地鍾意食芝士就推介呢個意粉，芝士味好濃，表面仲用火烤過，好香。發現個意粉有加到辣椒片，店員話係為左減低芝士既油膩感，少少既辣味去中和。同店員（定係店長？！）傾左陣，佢地既料理注重係平衡方面，每款料理都唔想偏重一種味，而且好多醬汁都堅持自家制。希望佢地繼續比心機，下次再嘗試其他作品。