興發明爐燒味

營業中

休息中

朋友在尖沙咀工作，平時都有互相交流有好嘢食嘅地方。她介紹我去呢間茶餐廳，話出品幾好，佢午餐經常去食，但我一直都無去試，因為尖沙咀實在有太多選擇了。早2日約咗朋友去開尖沙咀，見落雨濕濕，又差不多晚飯時候，所以就去試不佢嘅出品，貪佢就近，地方都坐得舒服。坐低叫咗三個小菜，又送例湯，小菜賣相唔錯，食落覺得夠鑊氣又好味，唔知係唔係肚餓嘅關係呢？ 朋友都冇點我，而且價錢算合理。老闆娘仲話燒味都好受歡迎，留返下次試下啲燒味。