影片
更多
2017-12-12
225 瀏覽
最近見德福平台開左唔少新餐廳, 朋友話想試呢間中式餐廳好耐, 不過平日夜市都好多人排隊等位, 幾次都食唔成, 今次終於比我地食到lu haha~ 餐牌有幾款, 一個係晚市小菜套餐, 有十幾廿款常見既小菜套餐揀, 或者有冬日之選好似羊腩煲同生炒糯米飯等等, 主食有米線同泡飯既餐牌, 選擇都幾多, 小食又有唔少選擇, 想清清地有粥同豆漿, 我都揀唔到咩都想食! 對於成日出街食飯既我, 有住家湯係件好吸引既事, 套餐加$20 跟既湯飯飲品, 是日湯品係粉葛湯, 係我最中意飲的湯, 加哂分啦!!! 粉葛已經煲得軟稔入味, 仲有唔少豬骨同埋豆呢! 小菜我就當然揀我最愛既雞啦! 雞有3款選擇, 好少見有菜膽雞叫, 就叫左半隻試試佢! 半隻一百蚊有找都唔預佢好大隻, 點知原來一上枱係勁大盤, 我見隔離枱一家3口都係叫半隻。另外估唔到係有明火爐下面燒住, 所以成隻雞連埋啲湯熱辣辣更好食! 一夾發現超大舊!!! 見唔見到係啖啖肉!! 雞肉控見到都雙眼發光, 但最驚喜係雞既滑溜度! 本身雞肉鮮嫰唔嚡口, 加埋自身既雞油更滑, 可能因為有湯浸住, 滑身得黎又結實, 估唔到普通既雞肉都可以咁有質素!! 叫左
最近見德福平台開左唔少新餐廳, 朋友話想試呢間中式餐廳好耐, 不過平日夜市都好多人排隊等位, 幾次都食唔成, 今次終於比我地食到lu haha~
餐牌有幾款, 一個係晚市小菜套餐, 有十幾廿款常見既小菜套餐揀, 或者有冬日之選好似羊腩煲同生炒糯米飯等等, 主食有米線同泡飯既餐牌, 選擇都幾多, 小食又有唔少選擇, 想清清地有粥同豆漿, 我都揀唔到咩都想食!
對於成日出街食飯既我, 有住家湯係件好吸引既事, 套餐加$20 跟既湯飯飲品, 是日湯品係粉葛湯, 係我最中意飲的湯, 加哂分啦!!! 粉葛已經煲得軟稔入味, 仲有唔少豬骨同埋豆呢!
小菜我就當然揀我最愛既雞啦! 雞有3款選擇, 好少見有菜膽雞叫, 就叫左半隻試試佢! 半隻一百蚊有找都唔預佢好大隻, 點知原來一上枱係勁大盤, 我見隔離枱一家3口都係叫半隻。另外估唔到係有明火爐下面燒住, 所以成隻雞連埋啲湯熱辣辣更好食! 一夾發現超大舊!!!
見唔見到係啖啖肉!! 雞肉控見到都雙眼發光, 但最驚喜係雞既滑溜度! 本身雞肉鮮嫰唔嚡口, 加埋自身既雞油更滑, 可能因為有湯浸住, 滑身得黎又結實, 估唔到普通既雞肉都可以咁有質素!!
叫左小菜但都阻住唔到我叫粢飯既心XD 邊個話夜晚唔可以食粢飯架, 一上枱好心急試, 勁辣手, 熱到會辣親咁濟, 但就係因為咁夠哂温度!! 以保鮮紙包得紮實企理, 一咬落去果下食到柔軟中帶韌性既糯米真係好幸福, 粒粒分明既糯米軟硬適中, 熱騰騰更加滋味, 饀既肉鬆份量慷慨, 由頭到尾都食到, 當然仲有油條, 雖然油條唔算脆口, 而且唔見傳統既榨菜( 不過我個人唔好榨菜哈哈!) , 但糯米同肉鬆已經夠令我好滿足, 推介!!!!
有粥既地方就有炸魚皮? 雖然我無叫粥, 但炸魚皮又係我的菜, 點會放過~~ 炸魚皮十幾蚊但一碟都裝滿, 夠脆身咬落卜卜聲, 同平時食既佢相對少油份, 感覺幾健康, 而且唔會好咸或者重味, 即刻邪惡度減低左XDD
豆漿有好多味揀, 揀左薑味, 比想像中出既薑味, 而且本身甜度唔高, 好岩我飲, 可惜唔夠熱, 同店員講左句, 主動比過杯新我, 好好態度!!
見豆漿唔錯, 一於試埋佢個豆腐花, 有芒果椰汁等選擇, 但我比日本紅豆吸引左, 估唔到佢係成餐飯最正架!!!!!!
以木桶裝幾有風味, 比起平時甜品鋪更有心思, 一把開蓋出哂煙, 真係新鮮滾熱辣~~~ 面鋪滿紅豆, 紅豆見到粒粒分明, 咬落非常粉綿, 好少見有整粒紅豆但做到咁軟身!!!
就咁食偏甜, 但夾埋豆腐花食就完全中和到, 不過豆腐花質感更是令人意想唔到呢! 比起平時既滑身水份多既豆腐花, 佢係濃杰得多, 但依舊滑身, 分別在於多左重豆味同埋口感更實在, 實在太好食!! 我決定下次就算食完飯經過都要食返碗做甜品!!!
張貼
