癡膠雞 (軒尼詩道)

營業中

休息中

今日見天氣好凍，想打邊爐，咁啱去行婚紗展去灣仔搵嘢食。見到呢間叫癡膠雞既餐廳，俾佢個名吸引入去😂😂。見到佢個菜單有個胡椒豬肚雞湯鍋🩷🩷🩷🩷🩷可以比我打邊爐，即刻落單食先。因為天氣真係太適合打邊爐，熱辣辣🤩。我叫左牛頸脊娃娃菜米粉同埋腐竹。先講個湯底真係越煮越入味，煮耐咗啲胡椒味仲濃烈 同埋啲雞係鍋度滾都唔會好鞋口，雞肉比較結實，但係唔韌。豬肚食落胡椒味都好濃。唔知係咪打邊爐嘅關係，啲食材都好濃味正😍牛頸脊同埋娃娃菜米粉腐竹呢啲都係最吸味，打邊爐一流。不過38蚊一份牛頸脊真係抵，夠大份同埋都幾大塊。另外叫咗沙薑雞飯🩷🩷🩷🩷佢嘅沙薑味，唔係太濃。偏淡口味，不過雞肉係比較結實，同埋雞味較濃，唔韌食落啖啖肉，都唔多骨，呢個價錢係灣仔黎講都好抵食了。仲叫咗兩杯凍檸茶，茶味香濃，好飲。食完已經好多人排隊了。下次再試下其他口味。