合一咖啡屋餐廳 (已結業)

今日去左佐敦覆診，之後想響附近揾食。見到呢間“合一咖啡屋餐廳”有好多好評，加上我都幾喜歡店主既意念：天主教徒及基督教徒合辦餐廳，鼓吹基督徒在主內合一與共融。 另外，於Open Rice訂座可享 9折優惠，所以就膽粗粗試下喇～ 因為早到，所以都要等一陣，望下個餐牌，發現價錢都唔算平，只望價錢與質素成正比啦，最後等左10-15 mins就入座。二人午餐，另跟熱湯和暖烘烘的麵包，我倆點左：１）黑松露牛肝菌意粉：賣相不俗，意粉彈牙，鋪上好多牛肝菌，並充滿黑松露既油香味。激讚! ２）香草蓄茄辣汁意粉：本人比較喜歡蓄茄類開胃菜式，所以低估左呢個辣汁意粉～雖然開胃，但對於唔好辣既我…的確好辣～ ３）：Green Tea Latte (加＄特飲)：一向對Green Tea Latte情有獨鐘，所以呢度既出品唔算差～４）Ice Mocha (加＄特飲)：可惜…呢杯Ice Mocha，忌廉多多，但淡而無味，加錢既特飲仲要比正常既飲品細杯，公平嗎？