HeSheEat (白布街) (已結業)

想在旺角搵一間cafe無論主菜 ，小食 及甜品都有整而且有食物水準真係不多選擇，最後揀了HeSheEat同朋友一齊去食晚餐。cafe有兩層地底果層主要是製作甜品，我們坐了樓上果層。炸磨菇釀雞肉配黑松露蛋黃細醬 $68 炸磨菇釀雞肉外層炸到脆卜卜，裡頭的磨菇夾著雞肉一齊食很juicy美味。墨魚汁魷魚扁意粉＄108意粉上枱的時候已聞到陣陣墨魚汁撲鼻香氣，魷魚份量豐富而且煎到好香咬口彈牙嫩滑，墨汁扁意粉軟硬度適中，再加了少許檸檬汁口感帶點微辣夠同酸味味好惹味。Oreo 奶昔 $42很邪惡的奶昔成杯都充滿了Oreo和面頭加上忌廉好creamy和不太甜。All Day Brunch set - Go Green $118 適逢Green Monday 我一定支持Go Green 所以點了純素食材料有炒BB菠菜，大蘑菇，牛油果蓉，迷你牛角包，炒蛋，慢煮蕃茄，薯仔沙律蓉，薯餅，成個 Brunch都好健康。拖肥果仁心太軟 $62心太軟內流心朱古力漿湧出, 伴有冧酒提子雪糕，焦糖漿和果仁。