影片
更多
2015-01-01
2434 瀏覽
本身已經係一個韓迷黎哈哈，見未有錢去旅行就唯有係香港食住先啦.....之前記得好似係雜誌到睇到呢間韓國BBQ已經覺得好吸引，咁就藉著2014年最後一日就食餐好啦 哈哈本身擔心31號呢D日子要食餐晚飯應該都好難，所以就預先打左電話去BOOK一BOOK位，BOOK左六點鐘，上到去都無乜人，一入到去就已經有服務員打招呼，呢一點就係值得讚其實間舖空間都幾大，座位之間都好闊落，仲會播放韓文歌 聲音都唔會好大 令到整體環境都好好所以食餐晚飯都食得舒服又開心第一時間當然睇MENU啦，係韓國必有ge都有。當你睇緊MENU ge時候，會有服務員逐碟前菜上台的(但唔記得影相)點左個豬肉拼盤、牛脷、豬皮、芝士豬肋骨、原味炸雞同埋泡菜餅。首先，豬肉拼盤有五花腩、豬頸肉仲有兩個唔清楚係乜 sorry....可能我同我兩個朋友第一次去呢種傳統韓國BBQ 唔太識用個吸煙囪，所以D煙唔識走，仲愈黎愈勁 結果，就有位男服務員走黎幫我地整一整過左一陣又有位女服務員過黎幫我地燒一燒.... 搞到都唔係幾好意思...個人本身都好鐘意食牛脷，當然要點一點啦!!!! 味道真係唔錯 鐘意食牛脷ge朋友不妨叫黎食一食!但係豬皮就.
之前記得好似係雜誌到睇到呢間韓國BBQ已經覺得好吸引，
咁就藉著2014年最後一日就食餐好啦 哈哈
本身擔心31號呢D日子要食餐晚飯應該都好難，
所以就預先打左電話去BOOK一BOOK位，
BOOK左六點鐘，上到去都無乜人，
一入到去就已經有服務員打招呼，呢一點就係值得讚
其實間舖空間都幾大，座位之間都好闊落，仲會播放韓文歌 聲音都唔會好大 令到整體環境都好好
所以食餐晚飯都食得舒服又開心
第一時間當然睇MENU啦，係韓國必有ge都有。
當你睇緊MENU ge時候，會有服務員逐碟前菜上台的(但唔記得影相)
點左個豬肉拼盤、牛脷、豬皮、芝士豬肋骨、原味炸雞同埋泡菜餅。
首先，豬肉拼盤有五花腩、豬頸肉仲有兩個唔清楚係乜 sorry....
可能我同我兩個朋友第一次去呢種傳統韓國BBQ 唔太識用個吸煙囪，
所以D煙唔識走，仲愈黎愈勁 結果，就有位男服務員走黎幫我地整一整
過左一陣又有位女服務員過黎幫我地燒一燒.... 搞到都唔係幾好意思...
個人本身都好鐘意食牛脷，當然要點一點啦!!!!
味道真係唔錯 鐘意食牛脷ge朋友不妨叫黎食一食!
但係豬皮就...... 可能我地唔識燒又或者食唔慣
感覺就咬緊一塊無味ge膠咁
個爐邊蛋真係唔錯，好好食緊住呢個芝士豬肋骨一值都好想試，不過唔太食得辣的朋友就唔太建議喇
因為食食下D辣味就會出哂黎，我個朋友就頂唔順喇哈哈
同埋呢，呢個要襯熱食 凍左就唔太好食喇。
最後，就係原味炸雞同埋泡菜餅。原味炸雞配埋甜辣醬好好味 但如果想食特別D，可以叫下佢另外一種味道 糖醋個隻好似好吸引咖都!
泡菜餅就中規中矩，我就覺得無乜特別 朋友就好鐘意食喇哈哈。
不得不提!!!! D服務員真係好好，同佢地用韓文講多謝佢地好笑住應番你而我ge朋友就比其中一個吸引左喇哈哈......
因為我地就係新手關係 見我地唔太識燒就周不時就過黎幫我地燒一燒 又幫我地加水
佢地親切有禮ge服務真係好難得，係一間有服務之餘又有給予味道的一間韓國BBQ!!!
下次一定會再去幫襯
張貼
