影片
更多
2018-11-17
201 瀏覽
周末過去又到星期一，但已經覺得好攰?咁就要食番餐好既慰勞下自己啦!收工諗住約朋友食飯，但又唔知食咩好。行下行下經過一間望落去咁有悠閒情調既高級西式餐廳，再望下店門前既餐牌主打海鮮料理，價錢亦合理，決定同朋友膽粗粗試試佢! 一入餐廳，就見到咁有氣氛既裝潢，昏暗既環境有奪目既霓虹燈點綴，配上兩張小圓桌，數張椅，相信呢個空間會係女士們最愛。我同朋友都即刻打番張卡po ig先! 打卡位對面係一張Bar 檯，都見到唔少人坐係調酒店員前等緊點左既drinks. Second Bite 除左係放工人士黎relax 下，仲係情侶們拍拖既好地方~經店員帶路，我地坐落餐廳較入既位置。一睇餐牌，我同友人即刻選擇困難症病發，餐廳提供既食物菜式好多，淨係頭盤都有12樣，而且樣樣望落都好吸引，認真難揀!! 係咁多選擇之中，我地決定試試呢個雞尾酒大蝦(2Bite Shrimp Cocktail)，一見到個賣相就覺得好新穎!唔但止成功吸精(聽到隔離檯客人討論個賣相好特別)，而且好方便客人一拎就食得。味道方面，鮮蝦香甜，肉質結實。由於呢款雞尾酒有極少酒精成份，似係好飲既濃郁蕃茄湯，沾下中間綠色既香草醫，配上鮮蝦，令呢道
一入餐廳，就見到咁有氣氛既裝潢，昏暗既環境有奪目既霓虹燈點綴，配上兩張小圓桌，數張椅，相信呢個空間會係女士們最愛。我同朋友都即刻打番張卡po ig先!
打卡位對面係一張Bar 檯，都見到唔少人坐係調酒店員前等緊點左既drinks.
Second Bite 除左係放工人士黎relax 下，仲係情侶們拍拖既好地方~
經店員帶路，我地坐落餐廳較入既位置。一睇餐牌，我同友人即刻選擇困難症病發，餐廳提供既食物菜式好多，淨係頭盤都有12樣，而且樣樣望落都好吸引，認真難揀!!
係咁多選擇之中，我地決定試試呢個雞尾酒大蝦(2
Bite Shrimp Cocktail)，一見到個賣相就覺得好新穎!唔但止成功吸精(聽到隔離檯客人討論個賣相好特別)，而且好方便客人一拎就食得。味道方面，鮮蝦香甜，肉質結實。
由於呢款雞尾酒有極少酒精成份，似係好飲既濃郁蕃茄湯，沾下中間綠色既香草醫，配上鮮蝦，令呢道頭盤的整體味道得以昇華。
沙律方面我地叫左5號仔—法國蟹肉沙律配牛油果蓉芥末醫(French Crab Meat Salas with
Avocado Mustard Sauce)
平時食沙律為左健康，唔會落沙律醫但就食之無味…都幾難受下。但呢個蟹肉沙律就唔同啦，先有高級法國蟹肉on top，其實底部仲有爽甜西瓜，整體既配合好fresh，食到停唔到口!
牛油果蓉有少量鹽同胡椒調味，配合芥末醫更能融入鮮味蟹肉，連同沙律菜食更滋味。
到左我同朋友十分期待既主菜!! 同樣有好多選擇，但我地好快就決定跟照店員建議，點左加拿大素食白豚斧豬扒(Canada Sayoury
Choice Pork Tomahawk) 同埋自己想食既香煎海鱸魚燴飯(2 Bit Zucchini Seabass Risotto)
加拿大素食白豚斧豬扒(Canada
Sayoury Choice Pork Tomahawk)，選用素食既豬，肉質會較堅實但配合慢火煎既烹飪方式，將豐富肉汁鎖住，所以當一嗒食一塊豚肉，已經覺得好味到不能自拔，忍唔住再食第二，三塊.....
主角素食豚肉好味之餘，配茶香菇，大蒜等都絕不遜色，唔單止散發獨有既香味，配合豚肉一齊食會更有口感! 而且香菇汁亦十分清甜。
另一主菜係呢個香煎海鱸魚燴飯(2 Bit Zucchini Seabass Risotto)，食西餐點少得Risotto呢!? 呢個新鮮鱸魚燴飯同樣配上香氣十足既磨菇。鱸魚煎至焦香將魚汁緊緊鎖住，連同又大又圓既飯粒加上滑溜既香菇一齊食，有咬勁之餘仲食到唔同層次既味道!
每日特別精選新鮮當造食材，每日都有唔同既特別推介!
Second Bite仲有一個特別之處，就係自己海鮮自己揀! 只要跟住餐牌上既Step 123 再同店員點菜，就可以食到自己想食既菜式! 咁就迎合到每個人既口味啦!
其實叫左以上四道菜，兩個人食都食唔哂，仲有甜品未試到! 會再去多次試埋其他菜式!
張貼
