影片
更多
2011-03-17
9 瀏覽
之前團購買咗2張優惠券, 之前一晚突然諗起可以去食, 睇過張券話要預約, 心諗以為地方細細既舖仔都要預約咁誇張? 不過都有照打去約6:30, 點知老公放得工嚟都已經6:30, 我立即打去改7:00, 聽電話係個男仔, 好爽快話無問題, 到時見。搵到呢個大廈之後就落地庫, 見到有個招牌寫Absolute Burger, 但望入去又係bar嚟, 我以為唔係, 再定定神望應該係, 門口位已經見到3個男仔係度玩飛鏢, 跟住有個少少肥既男仔, 留羊咩鬚既帶我哋位, 原來全部都係高椅, 我仲想問佢有無矮d既, 不過算啦, 我好快就遞上張優惠券, 無加錢轉牛肉/羊肉, 有雞/魚揀, 我哋都揀雞肉~~鬍鬚哥哥問我哋飲乜, 我哋都梗係問有咩揀, 老公揀咗汽水先, 我心諗我揀咩好呢, 因為汽水唔係咁啱大肚婆飲, 咁鬍鬚哥哥好識趣話揀果汁啦, 有蘋果, 橙汁同唔知咩, 我就揀橙汁, 跟住老公都想轉架, 不過張coupon話汽水咋, 所以得我有呢個優惠~~呢個鬍鬚哥哥真係好人~之後, 等咗一陣嘢食就到啦~先嚟橙汁, 應該係新奇士嗰隻然後嚟蘑菇條, 我係第一次食咋, 好特別, 不過都好好味最後係主角, 個包面有
之前團購買咗2張優惠券, 之前一晚突然諗起可以去食, 睇過張券話要預約, 心諗以為地方細細既舖仔都要預約咁誇張? 不過都有照打去約6:30, 點知老公放得工嚟都已經6:30, 我立即打去改7:00, 聽電話係個男仔, 好爽快話無問題, 到時見。
搵到呢個大廈之後就落地庫, 見到有個招牌寫Absolute Burger, 但望入去又係bar嚟, 我以為唔係, 再定定神望應該係, 門口位已經見到3個男仔係度玩飛鏢, 跟住有個少少肥既男仔, 留羊咩鬚既帶我哋位, 原來全部都係高椅, 我仲想問佢有無矮d既, 不過算啦, 我好快就遞上張優惠券, 無加錢轉牛肉/羊肉, 有雞/魚揀, 我哋都揀雞肉~~
鬍鬚哥哥問我哋飲乜, 我哋都梗係問有咩揀, 老公揀咗汽水先, 我心諗我揀咩好呢, 因為汽水唔係咁啱大肚婆飲, 咁鬍鬚哥哥好識趣話揀果汁啦, 有蘋果, 橙汁同唔知咩, 我就揀橙汁, 跟住老公都想轉架, 不過張coupon話汽水咋, 所以得我有呢個優惠~~呢個鬍鬚哥哥真係好人~
之後, 等咗一陣嘢食就到啦~
先嚟橙汁, 應該係新奇士嗰隻
然後嚟蘑菇條, 我係第一次食咋, 好特別, 不過都好好味
最後係主角, 個包面有少少燶, 不過唔緊要, 佢哋仲會畀埋膠手套, 咁就乾乾淨淨咁食, 由於係熱食, 所以我覺得好好味我哋係第一對入嚟食嘢既人, 跟住入嚟既幾對都差不多全部係食burger, 而且都係團購嗰隻~有4pair呢~
臨走時, 鬍鬚哥哥問我哋好唔好食, 我當然話好食, 佢就話下次再嚟過啦~我估老公都會再嚟既~~~
張貼
