一鳴丼食堂

營業中

休息中

入大埔順路想搵下好野食，無意間發現到一鳴呢間係橫街巷嘅日式居酒屋。鋪面唔算大，可能會坐得少少迫，但完全係日本feel嘅設計。先黎燒河豚乾，好脆好香口，開胃之選。海苔櫻花蝦玉子燒好多櫻花蝦，玉子燒得好滑又夠厚，加埋鋪面嘅木魚乾同醬汁，有好多層次令人非常滿足明太子海鮮雜錦御好燒有啲似大阪燒，但比較薄一啲唔係一大舊粉漿，我自己比較喜歡呢種口感，食落都有啖啖海鮮，明太子嘅味道好夠濃唔會比海鮮覆蓋，非常好另外當然要試下呢度嘅丼飯，北海盛主角海膽同大蝦都好鮮甜，其餘魚生都不錯，如果份量再多少少就更好。