Aurora Fusion Restaurant (已結業)

尖沙咀呢一條街不嬲都好多野食，仲要唔同種類都有！同朋友放完工之後就諗住來呢到搵好野食😍點知就見到呢間高質黃店！😋門外同普通清Bar差唔多，果陣時鄰近萬聖節，餐廳佈置都相當有氣氛！餐牌選擇都有好多！有日式刺身，西式意粉，仲有好多小食😍任君選擇！我同朋友都簡左好耐！頭盤先來一個吉列蠔！蠔大大隻，裹上炸粉再炸至金黃色，炸皮唔厚，薄薄一浸包住隻蠔！加上有少少明太子既點綴，食落口先有咸香，咬開蠔後亦有爆出來既濃濃蠔味，好食！試試佢個刺身先！每一樣都新鮮鮮甜，而且仲要厚切，真係啖啖滿足！可以見到佢仲突登係帶子試放試海膽金箔作裝飾，口感更為豐富！大蝦食落帶粘口既感覺，滿足到唔識點形容～1/4 隻乳豬🐖平時都好少係西餐廳食乳豬，估唔到係呢間竟然有，果然有驚超！乳豬用西式烚烤方式，令外皮薄脆，肉與皮之間既脂肪層不厚，咬落口層次分明！十分脆口！加上以呢種方式處理，令肉汁鎖曬裡面，上桌時熱辣辣，咬落去仲好Juicy! 令人想一食再食！黑松露雜菌意粉估唔到仲可以選擇落幾多芝士仲要即磨埋比我地 完全係視覺同味覺既享受！整碟意粉奶味濃郁，亦有不少菇類， 口感多！值得一提既係佢加有蒜片，食食下發覺頗有驚喜，出奇地m