Sogno Gelato (已結業)

意式雪糕店🍨喺香港越開越多，為咗配合香港人鍾意新鮮感嘅個性，唔少雪糕店都推出形形色色新穎嘅口味✨，就好似呢一間咁。呢間香港本土嘅意式雪糕店推出左好多唔同嘅特別口味，好似芝麻糊、蜂蜜白苦瓜🍯、甚至乎我哋耳熟能詳嘅tear gas味🧂都有。雙球雪糕$58（曲奇&特濃朱古力）入口唔算好滑，冰感🧊比較多，可以見到粒粒碎冰仲喺度。可能因為冰感比較重，溶都溶得快啲💦。但好欣賞佢味道方面，曲奇味🍪唔算好濃，但係一啲都唔會過甜。特濃朱古力就如其名，如果鍾意朱古力🍫嘅朋友一定要試！好濃郁嘅朱古力味，而且一啲都唔死甜，比較似黑朱古力味🍫🍨。雖然喺大型商場入面，但係好冷清。希望作為同路人嘅店舖，大家可以多多支持💪🏻。