影片
更多
2020-12-08
54 瀏覽
我地成家都係雞翼控，每次食雞翼每人都要食5至6隻先夠喉，之前去左葵芳新都會廣場果邊整野，難得成家一齊出動，整完野，都有入新都會行下，順手入定貨準備換季，就俾我地見到間專食雞翼既小食店《雞翼山》，我地一家咁鐘意人雞翼緊係要入去試下喇。本來以為其實雞翼款式來來去去應該都係得幾隻，入到去見到張菜單都好多款式，好多口味真係估佢唔到🤣。今次第一次黎食就叫左：02原味脆香雞翼； 原味雞翼，食落有蒜香味，又勁juice ，咬落去肉汁噴出黎，勁好味😋。08港呢D友情萬歲檸茶雞翼； 冇諗過檸茶🍋香港人咁鐘意飲都可以拎黎整雞翼，味道酸酸甜甜咁真係好開胃，好好味。10香茅黑糖珍珠瑜伽雞翼；黑糖珍珠奶茶🥤就飲得多，拎黎醃肉真係諗都冇諗過，個感覺係點呢?一定要試下，黑糖味好重，令到個香茅味就冇咁出，不過個黑糖味真係好香好好味，加埋真係有珍珠係面個口感好得意。雞翼山既雞翼真係估唔到咁特別，等疫情過去要黎試埋其他味道先得
本來以為其實雞翼款式來來去去應該都係得幾隻，入到去見到張菜單都好多款式，好多口味真係估佢唔到🤣。
今次第一次黎食就叫左：
02原味脆香雞翼； 原味雞翼，食落有蒜香味，又勁juice ，咬落去肉汁噴出黎，勁好味😋。
08港呢D友情萬歲檸茶雞翼； 冇諗過檸茶🍋香港人咁鐘意飲都可以拎黎整雞翼，味道酸酸甜甜咁真係好開胃，好好味。
10香茅黑糖珍珠瑜伽雞翼；黑糖珍珠奶茶🥤就飲得多，拎黎醃肉真係諗都冇諗過，個感覺係點呢?一定要試下，黑糖味好重，令到個香茅味就冇咁出，不過個黑糖味真係好香好好味，加埋真係有珍珠係面個口感好得意。
雞翼山既雞翼真係估唔到咁特別，等疫情過去要黎試埋其他味道先得
張貼
