影片
更多
2013-07-07
142 瀏覽
今晚同老公揸車去屯門新開個個泳池度游水，游完之後就去附近搵野食，search openrice見到d人話呢間幾好食，於是就決定去呢間試下啦! 因為當時都已經係差唔多夜晚10點啦! 幾驚佢已經收左工呀，好彩佢仲未閂門啫，不過其實佢都差唔多收舖啦，所以有好多吉位根本唔駛等，而且d服務超好超殷勤超快手，因為就黎收舖，所以我地揀個d野食好多都已經賣晒，有少少失望，但係又冇計，唯有改食其他，我地兩個人叫左1個飯6個點心，因為差唔多收舖既關係所以上菜上得超快鳳爪排骨煲仔飯 雖然我唔鍾意大熱天時食煲仔飯，但係因為老公好鍾意食，咁我就唯有陪下佢食啦，估唔到出奇地好食，個飯唔算太油，d排骨都算多，d鳳爪好淋好夠味，冇落好多豉油都好夠味，正沙律明蝦角 原本我係想食鮮蝦腐皮卷架，但係賣晒，之後就改食呢個，估唔到呢個好食好多，外皮夠脆，新鮮炸起仲係熱辣辣架，加埋個沙律就唔會覺得太熱氣，又唔會炸到油淋淋，真係超好味，不過都係想下次食下個腐皮卷比較下叉燒腸 呢個叉燒腸好搞笑，平時酒樓個d係3條疊埋一齊架嘛，兩條下面1條上面咁樣，呢個係一條勁長咁架，好新奇好得意，未見過咁長既叉燒腸，不過略嫌
鳳爪排骨煲仔飯
雖然我唔鍾意大熱天時食煲仔飯，但係因為老公好鍾意食，咁我就唯有陪下佢食啦，估唔到出奇地好食，個飯唔算太油，d排骨都算多，d鳳爪好淋好夠味，冇落好多豉油都好夠味，正
沙律明蝦角
原本我係想食鮮蝦腐皮卷架，但係賣晒，之後就改食呢個，估唔到呢個好食好多，外皮夠脆，新鮮炸起仲係熱辣辣架，加埋個沙律就唔會覺得太熱氣，又唔會炸到油淋淋，真係超好味，不過都係想下次食下個腐皮卷比較下
叉燒腸
呢個叉燒腸好搞笑，平時酒樓個d係3條疊埋一齊架嘛，兩條下面1條上面咁樣，呢個係一條勁長咁架，好新奇好得意，未見過咁長既叉燒腸，不過略嫌個粉皮太厚，不過叉燒都算多，一般啦
蝦餃
原本我想要鮮蝦白菜餃，不過又賣晒，所以轉食呢個，雖然一籠得兩粒，不過真係好大粒同埋好多蝦，雖然係咁但係都略嫌貴左d，唔係好抵
流沙奶皇飽
因為我太飽既關係，所以我冇食到，問過老公佢既評語係普通，因為冇鹹蛋黃唔夠香，而且又唔夠流沙
燒賣
燒賣超大粒，不過得個大字，味道就一般，唔知係咪因為已經食飽所以開始覺得冇咩特別，而且又冇蝦淨係超大舊豬肉，真係好一般囉
棉花雞
一黎個賣相已經超差，淨係搵個鐵兜裝住就算，毫無美感可言兼嚴重影響食慾，一食落去根本就係豬皮黎既，仲要係未煮淋既豬皮，咬落口仲係爽口既，一d都唔棉花囉，真係好唔得囉
總括黎講都可以再去既，因為揸車去真係好方便，不過其實價錢都偏貴，唔係好抵食，但係有時夜晚想食下點心飲下茶屯門真係好近好方便，都係一個唔錯既選擇，不過下次記得唔好咁夜去囉，我地食到成間舖得返我地一枱客，d員工個個係度做緊清潔，連個老細都黎左等收舖鎖門，搞到食得好有壓力淨係擒擒青咁吞落肚就算，唔可以慢慢歎，其實都幾趕客幾冇癮，下次都係早d去啦!
張貼