影片
更多
2020-02-13
365 瀏覽
呢日朋友朝早先約我去MOKO食晏，我搵嚟搵去都唔係好諗到食乜，所以去到商場就隨緣啦。比併過幾間餐廳嘅Lunch Set後，我哋覺得Urban Cafe嘅好似最啱食同抵食，就試下啦😙。我哋點半鐘去到，唔使等位，一入到去坐低後，有位女店員就幾好招呼，又有禮貌👍，為我哋送上餐牌。我哋落單時，佢又提醒某款食物係辣㗎喎，問我哋O唔OK，幾貼心。午餐有12款揀，價錢由$78-$118不等，另收加一，包凍桃茶或汽水🥤。定價屬可接受範圍，始終係商場價，而且我返工地區嘅深水埗西餐廳都唔平得幾多。是日餐湯係龍蝦湯🦞，所以就叫一碗Share嚟飲下。其實我好鍾意飲西湯，但要額外加$15又會令我卻步...。如果佢個餐Set貴啲，直接包埋我可能會開心啲😅，哈哈。講返個湯先，龍蝦湯好濃好好飲，絕對唔會輸比七、八十蚊一碗嘅質素，而且入面有唔少龍蝦仔肉，正啊。如果一早知個湯係呢碗，而唔係普通嘅忌廉湯或者羅宋湯，我哋會嗌一人一碗🤤XD。URBAN 3小時慢烤紐奧良肥雞(1/4)($88)，🐔烤雞賣相同擺盤都好吸引，用上一個大圓鐵鍋盛住1/4隻雞同沙律薯條。其實1/4隻烤雞真係有啲細，望落只係稍為大過KFX嘅雞上髀，但多埋
我哋點半鐘去到，唔使等位，一入到去坐低後，有位女店員就幾好招呼，又有禮貌👍，為我哋送上餐牌。我哋落單時，佢又提醒某款食物係辣㗎喎，問我哋O唔OK，幾貼心。
午餐有12款揀，價錢由$78-$118不等，另收加一，包凍桃茶或汽水🥤。定價屬可接受範圍，始終係商場價，而且我返工地區嘅深水埗西餐廳都唔平得幾多。
龍蝦湯
25 瀏覽
0 讚好
0 留言
是日餐湯係龍蝦湯🦞，所以就叫一碗Share嚟飲下。其實我好鍾意飲西湯，但要額外加$15又會令我卻步...。如果佢個餐Set貴啲，直接包埋我可能會開心啲😅，哈哈。講返個湯先，龍蝦湯好濃好好飲，絕對唔會輸比七、八十蚊一碗嘅質素，而且入面有唔少龍蝦仔肉，正啊。如果一早知個湯係呢碗，而唔係普通嘅忌廉湯或者羅宋湯，我哋會嗌一人一碗🤤XD。
URBAN 3小時慢烤紐奧良肥雞
$88
26 瀏覽
0 讚好
0 留言
URBAN 3小時慢烤紐奧良肥雞(1/4)($88)，🐔烤雞賣相同擺盤都好吸引，用上一個大圓鐵鍋盛住1/4隻雞同沙律薯條。其實1/4隻烤雞真係有啲細，望落只係稍為大過KFX嘅雞上髀，但多埋隻雞下髀咁話🍗。不過隻雞算係肥嘅，所以都切到唔少肉出嚟。奇津醬Cajun Sauce好惹味，估唔到🌶辣味都幾出，不過食開BB辣嘅我都食到。烤雞肉質雖然有少許鞋，但都幾Juicy。
URBAN 3小時慢烤紐奧良肥雞
$88
20 瀏覽
0 讚好
0 留言
至於薯條同沙律都唔錯，🥗沙律菜幾新鮮，個柚子汁幾好食。🍟薯條係粗身的，熱辣辣送上，本身上面有啲味粉，所以唔點茄汁食都有味。
南瓜芝士意大利飯
$88
21 瀏覽
0 讚好
0 留言
南瓜芝士意大利飯($88)，配上意大利煙肉同合桃，芝士就用上Mascarpone Cheese🧀 。隻芝士係整Tiramisu嗰種，所以成道菜嘅味道唔會太鹹，南瓜味🎃亦係恰到好處。Risotto份量都幾多，食落有飽肚感，男仔食都夠。
南瓜芝士意大利飯
$88
14 瀏覽
0 讚好
0 留言
凍桃茶
22 瀏覽
0 讚好
0 留言
凍桃茶🍑，唔加錢的餐飲就係佢或者汽水，咖啡同茶嗰啲反而要磅水，真係百思不得其解，可能好特別掛！我見在座嘅人有七成都係要凍桃茶，但一開始我望落個杯以為佢係橙汁，而飲落都好似有啲橙味咁🍊，但就相反無乜桃味，似橙汁溝稀咗，但味道都ok啦。
呢日嘅我哋竟然無叫到甜品！點解㗎呢🤔？或者我哋都真係飽飽哋～。其實加$18就有件Cake係幾抵嘅，而蛋糕櫃入面啲蛋糕望落都幾吸引！我知佢啲蛋糕同牛角包即係喺Market Place by Jasons入面間Bakery買到嗰啲。
環境方面，餐廳嘅所有座位設置在商場中庭露天位置，感覺幾Chill幾自在，置地同Musea都有啲貴貴餐廳係咁嘅Setting🤪。枱櫈之間都闊落，有唔少卡位。不過由於上面無遮無掩，唔係話餐廳唔衞生，但啲餐具都係抹多幾下穩陣。
餐廳嘅廚房反而喺番平日舖位入面，見到有烤雞爐同唔少麵包櫃🍞。
總括嚟講，我第一次食URBAN集團麵包以外嘅食物🍽，估唔到又幾好食喎，隻雞、碟飯同個湯都好高質！平日最鍾意預先做定Research嘅我，今次竟然誤打誤撞下食到好嘢🥳。呢餐係令人滿意的一餐！
張貼
