秀拉麵 (已結業)

之前做左成晚通宵，放工之後又餓又累，拖著疲乏既身軀邊走邊搵野食,但自己又係皇帝胃,唔想求其塞野入肚!!後尾經過秀拉面，見到有pair情侶食完行出黎.不停話好好食,下次再黎芸芸,心諗係真唔係呀,姑且抱著一試既心態等幾分鐘入位啦!!記得好似有雜誌介紹過佢,話係九州當中三大拉面集團其中之一,我就咩都唔理既,條脷食過方為實嘛,哈哈! 入到去坐,睇下裡面裝修.幾simple,唔太複雜,都好既,平時做野都累到頭昏腦脹,唔通連食野都好似係萬花筒裡面咩?之後有位服務員來介紹有咩好野推介，見佢講果碗元祖拉面幾惹味咁(加上我真係就黎餓死),就叫左一碗試下,等下又周圍望下,發覺班員工原來幾後生,睇佢地做野都幾快手(唉,我老了~~)碗面黎到,唔理三七廿一,即刻”openrice”!!嗯,味道係我意料之外,湯底幾濃厚.豬肉肉質都好鮮嫩.仲幾肥tim,岩哂我呢d無肉不歡既人,哈哈!不過唔知係咪我自己既問題,覺得油份好似唔係好夠,如果下次可以多d油,配埋d肥豬肉一啖食落肚,哈哈真係會爽到落腳指尾!!因為之後仲有野做,所以冇點再叫其他野食就埋單走人,綜合而言,論環境,員工,以至最重要既食材,以呢個價格黎講都可以接受架