蒂蒂香 (已結業)

行過蒂蒂香門口，見到有個大媽不停叫人入去試下，而我就係其中一個唔知點解真係行左入去的客人。坐低叫左碗撈麵，個汁驚為天人，濃郁到好似沙爹，又少少似有麻醬，味道咸中帶甜，仲有些許肉粒口感，重點係汁的份量剛剛好，唔會搞到個麵太濕，剛剛每條麵都有汁包住，完勝好多沾麵店。再加埋個手打魚丸、魚片，雖然唔係好彈牙個種，咬落實實地，但魚味非常濃郁，應該係近期食過最好味的麵食喇！