影片
更多
2006-08-07
6 瀏覽
平日最鍾意行尖沙咀，尋日又同男朋友行海港城，差不多七點，見個肚餓餓地就諗住搵野食，咁岩大家今晚忽然好想食西餐，但食黎食去都係個幾間，好悶囉！卒之，睇住個水牌，比我地發現有間食法國菜嘅，去到門口見環境唔錯，價錢都算ｏｋ，咪入去試試囉！原本諗住食個二人餐，＄４５８有Seafood Platter，頭盤，湯，主菜X２，甜品等，但後來發現另外有啲好特別嘅玩法，頭盤，湯，主菜＆甜品，任選兩款＄１１８，三款＄１４８，四款＄１６８，我見單叫一款主菜都最少要＄１１８或＄１２８，於是就決定要：＄１１８兩款：１）法式龍蝦湯 － 超濃，仲有兩隻青口＆一隻蝦，加埋免費添食嘅熱騰騰法式麵包，正！２）肉眼扖 － 見我男朋友食得津津有味，佢話唔加gravy，自己加些少鹽喺面仲正，配埋火煺粒薯蓉＆青豆，真係唔錯３）叫餐可加＄７５要個鵝肝頭盤，男朋友好鍾意食嘛！就算去大型超市買都唔止呢個價錢，仲要煎到外脆內軟，真係無話可說＄１４８三款：１）煙吞拿魚沙律 － 吞拿魚口準唔錯，配埋溫室小豆苗同好新鮮嘅蔬菜， 最重要係個汁，唔識點形容，但佢可以令啲蔬菜嘅味道更fresh２）鴨腿什菜春卷 － 總括黎講算最差一款，因為隻鴨腿好薄
原本諗住食個二人餐，＄４５８有Seafood Platter，頭盤，湯，主菜X２，甜品等，但後來發現另外有啲好特別嘅玩法，頭盤，湯，主菜＆甜品，任選兩款＄１１８，三款＄１４８，四款＄１６８，我見單叫一款主菜都最少要＄１１８或＄１２８，於是就決定要：
＄１１８兩款：
１）法式龍蝦湯 － 超濃，仲有兩隻青口＆一隻蝦，加埋免費添食嘅熱騰騰法式麵包，正！
２）肉眼扖 － 見我男朋友食得津津有味，佢話唔加gravy，自己加些少鹽喺面仲正，配埋火煺粒薯蓉＆青豆，真係唔錯
３）叫餐可加＄７５要個鵝肝頭盤，男朋友好鍾意食嘛！就算去大型超市買都唔止呢個價錢，仲要煎到外脆內軟，真係無話可說
＄１４８三款：
１）煙吞拿魚沙律 － 吞拿魚口準唔錯，配埋溫室小豆苗同好新鮮嘅蔬菜， 最重要係個汁，唔識點形容，但佢可以令啲蔬菜嘅味道更fresh
２）鴨腿什菜春卷 － 總括黎講算最差一款，因為隻鴨腿好薄，而且旁邊位有啲燶，硬左少少咬唔開，不過個梅汁就好正，配鴨肉真係無得頂；至於條春卷，不過不失啦，ｏｋ嘅
３）朱古力布甸 － 要預早order，因為寫明要２０分鐘時間預備，個布甸熱騰騰咁上檯，一下拮落去，啲朱古力漿不斷咁湧出黎，超正！係我認為試過嘅排第二最好味！
另加左一杯＄６８紅酒，埋單加埋一都係＄４５０，算唔錯喇！而且值得一讚係員工嘅服務態度，食物亦上得幾快，只係略嫌環境黑暗左少少，不過都算有情調，值得再試同推介比啲拖友！！ ^o^
張貼