影片
更多
2008-05-13
4 瀏覽
母親節又要諗去邊度食晚飯其實去 Lawry's 係我自己意思因為想試好耐, 又貪佢貴少少冇噤多人訂咗星期日晚八點半, 我一家一行五人去到時個場都已經半滿嗰度個環境相比我心目中嘅所謂 "扒房" 無乜分別, 只係燈光比較充足之前睇 Openrice 嘅食評已經知道呢度嘅 Waitress 係制服誘惑, 所以已經有晒心理準備, 以為係 "Lolita" 嗰種嘅誇張但親眼見到又覺得無乜嘢, 係多條圍裙加多個頭飾噤解, 稱不上做作.在馬鞍型座位安頓之後, 好! 叫嘢食.當晚有母親節套餐, 其實又係 "龍蝦湯或沙律" + "魚或牛" 配龍蝦尾 + "心太軟或cream brulêe"最終叫咗兩份母親節餐, 三份 Lawy Prime Rib, 我就另外叫多個蘑姑湯, 仲有枝 house red.嗰日瞓到下午先起身冇食晏, 所以已經狂食枱上嘅麵包冇幾耐 Waitress 推架車仔過嚟表演 Spinning Salad (我又想玩)沙律用 Chilled fork 食, 心諗佢真係噤講究定係懶講究, 沙律上枱時摸一摸隻碟睇吓會唔會 chill 理, 一摸, 冇.沙律唔錯, 其實同一般新鮮沙律冇乜分別,
母親節又要諗去邊度食晚飯
其實去 Lawry's 係我自己意思
因為想試好耐, 又貪佢貴少少冇噤多人
訂咗星期日晚八點半, 我一家一行五人去到時個場都已經半滿
嗰度個環境相比我心目中嘅所謂 "扒房" 無乜分別, 只係燈光比較充足
之前睇 Openrice 嘅食評已經知道呢度嘅 Waitress 係制服誘惑,
所以已經有晒心理準備, 以為係 "Lolita" 嗰種嘅誇張
但親眼見到又覺得無乜嘢, 係多條圍裙加多個頭飾噤解, 稱不上做作.
在馬鞍型座位安頓之後, 好! 叫嘢食.
當晚有母親節套餐, 其實又係 "龍蝦湯或沙律" + "魚或牛" 配龍蝦尾 + "心太軟或cream brulêe"
最終叫咗兩份母親節餐, 三份 Lawy Prime Rib, 我就另外叫多個蘑姑湯, 仲有枝 house red.
嗰日瞓到下午先起身冇食晏, 所以已經狂食枱上嘅麵包
冇幾耐 Waitress 推架車仔過嚟表演 Spinning Salad (我又想玩)
沙律用 Chilled fork 食, 心諗佢真係噤講究定係懶講究, 沙律上枱時摸一摸隻碟睇吓會唔會 chill 理, 一摸, 冇.
沙律唔錯, 其實同一般新鮮沙律冇乜分別, 只係我鐘意佢入面加咗蛋白粒(個人鐘意食蛋)
沙律之後上湯, 我個蘑姑湯都只係蘑姑湯, 不過我見龍蝦湯隻蝦都幾大.
到主菜, 又一大架餐車推理嚟, 一人一塊
我自己係揀 Medium rare, Prime rib 本身跟薯蓉, 額外嘅 sides 有菠菜蓉, 粟米. 我楝咗菠菜蓉.
燒牛肉唔錯, 但只係不過不失, 如果熱啲會更好
反而配菜嘅粟米我又覺得幾好味, 菠菜蓉就嘛嘛
我自己嗰份都係僅僅食晒, 其他都要打包.
兩份母親節餐, 甜品 "心太軟同 cream brulêe" 一樣一件
我不嬲都唔太好所以冇試, 而且我唔明女人真係可以食飽晒之後再食甜品.
睇佢哋清晒兩樣, 我估應該唔差. (不過係甜品係女人都鐘意食...)
最後埋單二仟伍, 比我想像中平少少 (五個人、母親節、開酒), 仲有泊車有優惠.
後記：
食物, 其他唔講, 嚟得 Lawry's 食嘢嘅人多數都係食 Prime Rib, 交到貨之餘應該做得更好.
地方, 除咗太光之外都有扒旁 feel, 餐車之前起尖沙嘴 Hugo's 已經見識過, 不過再見返都覺得好有趣.
服務, 其實成餐飯最令我印象深刻就係呢一 part. Lawry's 嘅侍應生不論男女全部都係一啲較為年輕嘅人, 比起一般老牌扒房嘅陰暗 + 死氣沈沈 + 古板, Lawry's 會比較有活力, 侍應生有體貌之餘都肯講吓笑, 感覺好 friendly. 可能呢啲就英式美式嘅分別.
張貼
