影片
更多
2008-10-07
88 瀏覽
遲左2星期的一個食評。很少機會可以大伙兒一齊叫外賣係學校食，所以就算我對pizza hut既外賣毫無興趣，都唔理得咁多喇。上次同樣人數叫pizza hut，叫了2個大pizza餐，吃剩不少。今次醒目了，還是叫一個pizza餐，再叫多幾個麵類飯類吧。由於網上訂滿$180的話，可多送一個香茄焗薯皮。另外，朋友因為做了member，有張買2個set lunch送1個set lunch既coupon，因此我地就分單訂購。扭扭批未試過扭扭批既我，見到今次有埋車打芝士醬，我呢個芝士愛好者終於忍唔住試。不過食落又唔覺好味wor，因為點左芝士醬會太滯，唔點又無味...話就話個批邊都有芝士，但根本食唔出d味道...個sauce用左wasabi醬，算係比較特別，唔駛食黎食去都係茄醬或者千島海鮮醬咁悶。繁星雞塊拼魚圈由於係外賣，所以食果陣已經稔曬，好難食。菠菜雞皇意粉無試，但最後食剩一半，應該麻麻地啦。蘑菇忌廉雞湯今次整得好杰，似食糊仔或者jelly。海鮮闊條麵勁多人爭住食，個個食到咀唇變白色。然而話就話係海鮮，但我只睇到幾隻只能塞落牙鏠既蝦仔。千層麵初時仲以為送錯薯蓉黎，因為食左1/3都未見d麵，不但後尾
很少機會可以大伙兒一齊叫外賣係學校食，所以就算我對pizza hut既外賣毫無興趣，都唔理得咁多喇。
上次同樣人數叫pizza hut，叫了2個大pizza餐，吃剩不少。今次醒目了，還是叫一個pizza餐，再叫多幾個麵類飯類吧。
由於網上訂滿$180的話，可多送一個香茄焗薯皮。另外，朋友因為做了member，有張買2個set lunch送1個set lunch既coupon，因此我地就分單訂購。
扭扭批
未試過扭扭批既我，見到今次有埋車打芝士醬，我呢個芝士愛好者終於忍唔住試。
不過食落又唔覺好味wor，因為點左芝士醬會太滯，唔點又無味...話就話個批邊都有芝士，但根本食唔出d味道...個sauce用左wasabi醬，算係比較特別，唔駛食黎食去都係茄醬或者千島海鮮醬咁悶。
繁星雞塊拼魚圈
由於係外賣，所以食果陣已經稔曬，好難食。
菠菜雞皇意粉
無試，但最後食剩一半，應該麻麻地啦。
蘑菇忌廉雞湯
今次整得好杰，似食糊仔或者jelly。
海鮮闊條麵
勁多人爭住食，個個食到咀唇變白色。然而話就話係海鮮，但我只睇到幾隻只能塞落牙鏠既蝦仔。
千層麵
初時仲以為送錯薯蓉黎，因為食左1/3都未見d麵，不但後尾見到d麵既時候又發覺似係螺絲粉。都唔知係咪因為外賣關係，焗到d千層麵爛曬變成碎濕濕既螺絲粉。
車打焗飯
同一般白汁飯無分別，所以食左一啖就無食喇。
張貼
