喜囍 (已結業)

嚮太安樓掃完一輪街之後，已經食咗好多熱食落肚，係時候要搵返啲生冷野，涼下個胃！呢間手卷店唔算顯眼，但係就有我最愛嘅海膽手卷。海膽組織外表呈顆粒狀，粒粒分明，就係新鮮嘅最佳證據。雖然食落唔算好鮮甜，但至少味道甘香、口感細滑、唔腥唔苦，30蚊嚟講算幾好～食完手卷之後，見到雪櫃有好多嚮香港好少見到有嘅日式飲料，搞到我又心心眼咗。第一次見到呢支抹茶可樂，心諗一定好伏，但飲落又畀預期中正常。入口首先係甜味比較light嘅可樂味，之後先係抹茶淡淡嘅回甘，兩者嘅味道都唔會過分搶，好飲之處就係享受到可樂嘅冰爽之餘，又無咁甜漏～