Parkview (新都會廣場) (已結業)

幾個姊媒一齊行街，下午茶時間就搵個地方坐底食個 tea，發現商場裏面大多數嘅鋪頭都爆滿，就見到呢一間仲有位就入去食，原本就冇諗過好唔好食，務求坐低 搵啲嘢食下就咁算。十個女仔，可能有九個鍾意食甜嘢，雖然我唔算係甜魔一族，但都總有個甜品胃， 我就叫咗一個 朱古力千層蛋糕。呢個朱古力千層蛋糕個 presentation 都好靚，重伴隨一件雪糕球， 用刀切落去個千層蛋糕都感受到係一層一層，好有手感咁去，食落口又有咬口感，蛋糕又滑真係唔錯，雖然唔能夠同 Lady M 相比，不過都總算係有 surprise 嘅。 真係意料之外嘅驚喜。