NUTTEA (宏利金融中心) (已結業)

以前去台灣就已經有幫襯，後來知佢開去香港。但地方都好偏，所以一直都無去試。個日約左朋友去觀塘海濱，之後佢講起我乳糖不耐症可以飲堅果奶，話觀塘有。去到發現原來係依間我地睇menu個時女店員都有話可以介紹返，同埋時間都晏，佢都好細心講返有邊d賣晒。不過我同朋友都有選擇困難症，所以都揀左幾耐下。最後我揀左檸檬堅果奶，朋友揀左草莓堅果奶。我地都點無糖，但女店員話會好酸，建議我地要微糖。咁我個杯檸檬就要微糖，朋友就依然無糖。好快就有飲品！！！男店員都細心地問我需唔需要飲管。因為我一向係無吸食物就唔會用。我就問入面應該無要吸食既嘢？男店員好風趣答有幾片檸檬。咁我就唔需要飲管～隨手影張相急不及待要試飲！無諗過檸檬堅果奶係咁清新可口！酸酸甜甜，加埋濃厚堅果奶，就好飲飲緊檸蜜yogurt一樣！！！！！不過我覺得唔係好酸，下次可以試下無糖！檸檬依杯真係打開新世界～無諗到會咁好味！好岩我口味！至於朋友個杯草莓無糖的確都唔算好酸，都係好新鮮果味！飲到最後，又真係有幾片檸檬係入面😂絕對真材實料！