創作割烹Stella

營業中

休息中

老婆今晚帶我去了尖沙咀The One一間門面不起眼，但內裡裝修既簡約又舒服的意日fusion料理，而且餐廳有個小花園，園內有幾間圓形透明屋，感覺超浪漫💕非常適合二人世界的浪漫滿屋🫰🏻🫰🏻，不過今晚坐住bar枱先。這個創作割烹共有8-course。先來個頭盤。分別有帆立貝青瓜凍湯、赤海蝦昆布+水牛芝士、火腿甜瓜汁啫喱，賣相已經非常吸引🤩食慾大大提升😋。另外選了廚師發辦海鮮，這個超鮮味八爪魚配上飛魚子、鮮洋蔥絲，鮮甜之中帶一點點辣👍🏻。再來帶和牛舌酢漬姬菇，牛舌非常厚肉，但入口就溶化，調味也非常夾，堅正👍🏻。鮮鮑魚淺蜊再用富山米做的意大利飯，跟傳統意大利飯做法有啲唔同，這個飯的口感較為飽滿，脹卜卜，我個人覺好比傳統意大利飯好食😘。另外這個烤穴子，皮脆肉身嫩，配上蕃茄醬汁，真有口福😋。下一道菜是日本A5和牛配味噌大根，日本和牛，仲要A5，好食個個都知，油脂分布靚，入口即溶，但估唔到大根一樣咁正，加了一層燒香的芝士，大根軟林林，但因為夠厚，變得口感提升了好多，我超鍾意❤️。今晚真係超飽超滿足，不過你見到甜品又真係一定要食，賣相掂，甜而不膩，四種甜品各具特色，今餐的確堅又正👏🏻👏🏻。