S2 鐵板燒 (已結業)

今日經朋友介紹下嚟到佐敦嘅隱世鐵板燒。一坐低職員就會提供青檸花旗蔘茶，甘香清甜，可以中和食物嘅油膩。經過一輪思考後，我叫咗日本十勝黑豚肉北海道松葉蟹套餐，睇見餐牌都流晒口水。首先送上沙律同刺身。沙律係煙燻鴨胸沙律，凍食既鴨胸依然保持幼嫩。至於三點刺身，佢包括三文魚甜蝦同北寄貝。甜蝦非常大隻，三文魚新鮮肥美。主菜總共有三款。第一道主菜係北海道松葉蟹腳，剪嘅時候都好輕易取出成條蟹肉，蟹肉本身非常鮮甜，原汁原味咁食係最正。第二道主菜係日本櫻花廣島蠔，我認為係咁多款主菜之中賣相最靚。蠔上面鋪滿煙肉蔥花蝦乾，為肥美鮮味十足既蠔加添香脆嘅口感。第三道主菜就係期待已久嘅日本十勝黑豚肉厚切配意大利黑醋！黑豚肉嘅口感好似和牛，肉味濃郁，配上黑醋減低黑䐁肉嘅油膩感，味道不偏不倚。食完以上三款主菜都飽飽地，但呢個套餐仲未完架！s2特色黃金炒飯每一啖都感受到黑松露既味道，仲要係粒粒分明，炒得非常乾爽。S2鐵板紙包蜆湯入面有蜆、海帶、豆腐、秋葵等等，非常清甜。焗雜菌食極都唔會厭，牛油絕對功不可沒。最後送埋甜品雪糕泡芙，為今餐畫上一個完美嘅句號。餐廳除咗對食物質素講究之外，對於餐具亦係一絲不苟。每人都會有一對新嘅