糖水檔 (已結業)

今日起身起得晏，所以成4點先食野。行左陣街，到8點又有少少肚餓，老婆提議食糖水，咁o岩行過佐敦，入左去間叫糖水檔既小店試下。入到去一眼睇曬，鋪仔一間，得數張枱。睇睇餐牌，原來唔止得糖水，仲有腸粉，仲有從來未試過既鴨肉腸粉，咁特別?一於試下佢。老婆叫左個芒果西米露，我就叫左個鴨肉腸粉。芒果西米露唔會太爛，芒果多。鴨肉腸粉我咁大個仔都係第一次食，鴨肉好多，又入味，豉油自家煮過唔會太咸，味道夾得黎又好好食。