影片
更多
2021-03-26
319 瀏覽
❀ Gustaci #中環 ❀❗️意籍夫婦主理正宗拿破崙pizza 首見半月形好特別❗️——————————————————位於中環PMQ地下，環境超大，內裏擺滿壁畫，另外仲設有有露天位置🤩由一對嚟自意大利拿破崙嘅意籍夫婦主理，售賣正宗意大利菜式，以及非物質文化遺產嘅拿破崙pizza🍕！呢度所有嘅食材都係由意大利運送過嚟，務求製作出正宗意大利嘅味道，舖頭仲特登設有恆溫22度嘅發酵房、同埋特意係意大利訂做嘅電焗爐，1分鐘就出爐！喺呢度食嘢感受到一鼓意大利嘅熱情同埋對食物嘅執着🥰。.✷𝑀𝑒𝓃𝓊✷☞ Bread (4/5)無翻熱，但係有好香嘅麵粉味。口感dense得嚟soft，有少少似海綿。加埋佢哋黑醋、橄欖油，雖然唔熱，但比想像中好食😋。.☞ Antipasti ♥ Braised Meatball $135 (3.8/5)正宗嘅意大利肉丸🧆真係用上肉碎扎成嗰種，口感唔會過實，配上酸度適中嘅番茄醬，正常發揮。.☞ Pizza♥ Calzone $160 (4.1/5)原來呢款Pizza係半月形🌙啲餡料係內藏喺芝士中間，有別於一般就咁擺喺面頭✨！除咗常見用嚟拉絲嘅mozzarella chees
❗️意籍夫婦主理正宗拿破崙pizza 首見半月形好特別❗️
——————————————————
位於中環PMQ地下，環境超大，內裏擺滿壁畫，另外仲設有有露天位置🤩由一對嚟自意大利拿破崙嘅意籍夫婦主理，售賣正宗意大利菜式，以及非物質文化遺產嘅拿破崙pizza🍕！呢度所有嘅食材都係由意大利運送過嚟，務求製作出正宗意大利嘅味道，舖頭仲特登設有恆溫22度嘅發酵房、同埋特意係意大利訂做嘅電焗爐，1分鐘就出爐！喺呢度食嘢感受到一鼓意大利嘅熱情同埋對食物嘅執着🥰。
.
✷𝑀𝑒𝓃𝓊✷
☞ Bread (4/5)
無翻熱，但係有好香嘅麵粉味。
口感dense得嚟soft，有少少似海綿。
加埋佢哋黑醋、橄欖油，雖然唔熱，但比想像中好食😋。
.
☞ Antipasti
♥ Braised Meatball $135 (3.8/5)
正宗嘅意大利肉丸🧆真係用上肉碎扎成嗰種，口感唔會過實，配上酸度適中嘅番茄醬，正常發揮。
Braised Meatball
$135
26 瀏覽
0 讚好
0 留言
.
☞ Pizza
♥ Calzone $160 (4.1/5)
原來呢款Pizza係半月形🌙啲餡料係內藏喺芝士中間，有別於一般就咁擺喺面頭✨！
除咗常見用嚟拉絲嘅mozzarella cheese外，仲加入埋ricotta cheese同埋鹹香十足嘅salami，雖然就咁食個餡料會有少少鹹，但連埋批邊一齊食就OK🤣。
口感方面邊位微脆偏向doughy，中間就因為加咗芝士等等濕潤鬆軟啲。
如果鍾意食開Pizza嘅都可以試吓呢一間，應該會帶出驚喜。
Calzone
$160
85 瀏覽
1 讚好
0 留言
.
☞ Pasta
♥ Carbonara $135 (3.6/5)
用上Pecorino cheese， 醬汁唔算好多，但剛剛包圍晒所有麵條，不過可能因為呢款芝士嘅緣故，比起平時嘅更加稠，冷卻後可以容易將麵條黐埋一齊，變成麵餅咁🙈。
意粉用上spaghetti，但比港式嘅粗身少少，不過覺得差少少先係al dente🥺
不過鍾意用上 guanciale ham，比起普通煙肉的確鹹香好多。
Carbonara
$135
64 瀏覽
0 讚好
0 留言
.
☞ Dolci
♥ Ricotta Cheese Pie with Grains $110 (3.8/5)
初嘗ricotta cheese pie，批邊唔算好香脆，似係肉批嗰種🤔。
中間位腍腍地，有少少似flan/實啲嘅布甸咁。
味道主要深透住少少檸檬香，冇話太重芝士味🙈。
Ricotta cheese pie
$110
37 瀏覽
0 讚好
0 留言
.
☞ Gelato
♥ Cappucino $30 (3.5/5)
意大利係gelato嘅發源地，難得嚟到意大利餐廳，又點可以唔試吓佢哋自家製嘅gelato🍨。
佢哋每日數款都有唔同口味選擇，今次就揀咗cappucino。
其實同咖啡味有啲類似，不過略嫌冇gelato嗰種煙韌，較為一般🙈。
Gelato cappucino
$30
29 瀏覽
0 讚好
0 留言
.
☞ Cocktail
♥ Il Verde $108 (4/5)
店員推薦呢杯cocktail，話加入左青瓜，有種清新detox嘅感覺。
餐牌話係包括左widges gin, elderflower liquor, cucumber juice, bitter orange tonic, citrus, basil。
一向唔好酒嘅我，都覺得呢杯嘢飲相對容易入口，嗰種青瓜味清新得來唔會覺得突兀✨。
Il Verde
$108
27 瀏覽
0 讚好
0 留言
——————————————————
✨整體味道: 3.9/5
✨環境裝修: 4.2/5
✨服務態度: 4.5/5
✨性價比: 3.5/5
✨再訪興趣: 3.5/5
.
💞整體來講
由意藉夫婦開辦，可以食到正宗拿破崙pizza，而且仲有半月形、心形等等，幾有特色。另外環境寬敞、裝修又靚，加上店員熱情服務，食得幾開心。不過今次所嘗嘅其他食物就相對一般，建議嚟到可以主攻Pizza🤣！
張貼
