意粉狂熱 (雅蘭中心)

營業中

休息中

同同事係旺角做完工作，之後同事相約一齊食埋飯先走，打算去旺角覓食下，之後在雅蘭中心有間算合理的意大利野，它原來出名是鮮製意粉，之後就決定入去試下。【意式炸魷魚圈配他他醬】魷魚圈炸得金黃色又鬆脆，又不失魷魚的彈牙口感，再配海鮮的他他醬，絕配。【香烤雞翼（檸檬蜜糖）4隻）】雞翼需然不算好大隻，但烤得剛剛好，又不乾身，又夠多肉汁，表面帶點檸檬香味加帶點蜜糖甜味，令食指大動。【軟殼蟹配海膽忌廉汁鮮製意粉】軟殼蟹香脆得來又啖啖肉，更有帶點蟹膏的味道，意粉又夠彈牙，每條意粉都掛上了海膽忌廉汁，醬汁方面又不會太鹹，令我非常有驚喜，真是值得推介。【蒜香白酒汁海蜆意粉】蒜香味濃，炒得夠乾身，又不會太油，意粉最怕是煮太腍或未熟，但這兩個意粉吃到爽口煙韌的Al Dente口感。【香濃朱古力窩夫】窩夫外層酥脆，濃香朱古力味微甜不膩，配上鮮忌廉和雲尼拿雪糕是絕配。最後食完甜品真是劃上完美句號。