EXP

營業中

休息中

自己喺沙田返工去又一城都比較近，所以放工有時都會嚟呢邊食嘢。而今次嚟嘅時候呢都比較晏啲啦，所以呢呢一間餐廳居然唔需要排隊，所以呢就直接決定入去食啦，之前食開幾次都要排隊嘅。今次就嗌咗兩個意粉，一個係明太子三文魚魚子意粉，另外一個就係帶子墨汁意粉，兩個意粉都不過不失，但係自己略嫌啲意粉個質地呢就太幼身，自己係比較鍾意食粗少少嘅意粉，墨汁嗰個味道呢就唔係太出嘅，而食完真係成口黑晒，大家都要留意番。而明太子三文魚魚子意粉就非常之出色嘅，味道非常之好，個汁呢就唔需要多汁都好夠撈晒成個意粉，所以就推介。