C3

營業中

休息中

意粉夠滑餸夠多好抵食🍝凍飲大大杯🔸菠菜汁蟹肉意粉😋🔹鮮茄蓉蝦仁帶子意粉😋🔸熱檸水同凍檸茶🔹第一次南瓜湯；第二次蘑菇湯雖然店裏貼住「一人製作，請耐心等候」，但唔使等好耐，大概10分鐘就上咗意粉。鮮茄蓉蝦仁帶子意粉有好多蝦同帶子粒，幾抵食！而鮮茄蓉食出係用茄膏整嘅，用茄膏整嚟講都算整得幾好，夠味得嚟唔假。菠菜汁蟹肉意粉，菠菜味點到即止，清清地；仲有用嘅意粉係比一般幼身少少而且滑，好食。份量好足，好飽！另外，喺度叫凍飲好抵飲！加兩蚊就有同iphone 6/7/8 plus差唔多高但更闊咁大杯！美中不足嘅係餐湯，南瓜湯唔記得影相，味道偏甜；蘑菇湯則賣相唔錯，但飲落唔夠蘑菇味，太淡，菇粒唔夠碎；蒜蓉包正正常常。