Felice Cafe & Pasta (已結業)

蟹肉鹹蛋黃意粉 $98蟹肉、鹹蛋黃份量好多，每一條意粉都沾滿濃濃的鹹蛋黃，用了扁意粉，意粉乾爽彈牙，時間煮得啱啱好。海膽黑松露忌廉意粉 $145一上枱黑松露醬好香，配上甘甜的海膽，忌廉汁香濃，食落好creamy，唔會太膩，份量十足，食到好滿足。Unicorn $48用了新鮮藍莓、火龍果製成沙冰，入口清涼冰爽，咬到粒粒的火龍果籽，估唔到可以咁夾，好fresh，一層厚厚的cream，顏色鮮豔，好啱少女影相打卡。Blue Ocean $42 一望充滿海洋感，藍柑桔酸酸地，配上梳打、彩色椰果，又吸睛又解渴，感覺非常夏天。