M18 (已結業)

一個人的晚餐，平常會去九龍灣，但已經無乜餐廳未食過（當然唔係食勻咁勁，只係無乜想試嘅餐廳）我今晚決定開發新地方，去樂富搵食（因為都有小巴返屋企）逛下街兼上網睇下，揀了呢間因為唔係連鎖式西餐廳，去到似咖啡店格局，設計好新潮簡約，木桌金屬椅，先去收銀落單，俾錢後店員會即刻比餐湯飲品我攞埋位，加個號碼牌！之後店員會跟號碼上埋其他！店員比較cool但講解好詳盡！餐湯：龍蝦湯，夠熱！用個有耳仔嘅碗，好似飯大咖啡杯咁，龍蝦味好濃，口感幾滑！黑松露什菌意粉（$65）賣相好靚，伴碟一大塊蒜茸包！不過唔夠脆，蒜茸味唔香！口感好寡，結果食唔晒，如果浸湯會好味啲，但上意粉時，我已經趁熱飲晒碗湯！點解蒜茸包唔跟湯比埋我呢？主菜意粉夠咬口（我喜歡嘅口感）好多什菌，不過什菌帶酸味，什菌放太耐，太熟成嘅酸味！忌廉汁唔覺松露味，而且比較水！唔夠濃，應該係意粉脫水唔夠！所以令到個汁水咗！味道其實唔錯！可惜！Mocha(跟餐加$6）要加錢先可以飲「M18咖啡系列」見住店員用咖啡機做！咖啡味道易入口！不過唔太濃！朱古力味相對重啲！未到咖啡店嘅水準！香芒慕絲蛋糕（跟餐加$16）本來堂食，一落單店員就會將件蛋糕夾上碟留起（我揀