9 3/4 cafe (已結業)

哈利波特主題餐廳😍😍朋友係哈迷，俾佢喺旺角搵到間咁特別嘅餐廳，忍唔住不停影相😍如果鍾意哈利波特就一定要去打卡啦。呼呼、南瓜現 即係平時飲開嘅雜菜湯，碗湯熱辣辣，酸甜度啱啱好，好濃好好飲。深海魚尾怪平時食嘅炸魚薯條，改咗名就係唔同啲，食起身都充滿玩味。魚成塊炸，切嘅時候仲聽到卜卜聲，勁香脆。西班牙軟爪陸蝦你一定估唔到，佢係蕃茄鮮蝦扁意粉🤣扁意粉嘅質感非常好，汁好多又夠味，充滿茄汁嘅味，好開胃，而且料好足，有大量嘅蝦、菇同蕃茄，好味。港口匙呢個更加難估，其實佢係三文魚帶子意大利飯，三文魚嘅香味加上彈牙嘅帶子，而且料好足，意大利飯冧中帶少少咬口，非常好。美容藥劑我梗係要靚靚啦，所以揀咗佢，其實佢係士多啤梨梳打，要咗少甜少冰，甜度適中。招牌魔豆朋友就要咗杯熱咖啡，好襯嗰度神秘嘅氣氛🤣餐廳好多擺設，充滿哈利波特嘅魔幻感覺，配合音樂背景，好正，推介俾所有哈迷。