意粉狂熱 (皇室堡) (已結業)

我好鐘意食意粉，特別鐘意食蕃茄醬意粉。女朋友帶過我黎pastaholic食過晚餐，好鐘意佢地既手製意粉，煙韌又彈牙，入口好重麵粉香。今日放工經過再來一次。今次想試下main course，特意叫左烤北海道產香草豬排。我先點一杯西班牙白酒。果味重酒精唔算多。意式三文魚忌廉芝士波波，賣相好吸引，厚厚的煙三文魚包上忌廉芝士，入口咸香味道濃厚，芝士好香。煙三文魚有油香，的確吸引。主菜到啦！豬排好香嫩，肉汁豐富，厚厚一塊香草味道濃厚，薯條入口好香脆。