影片
更多
2019-06-16
325 瀏覽
話說之前都講過，屯門市中心大部分都係連鎖店，冇乜小店嘅足跡，有嘅話最多都喺華都商場嗰邊，今日就去另一間華都入邊嘅小店，想走cafe路線嘅US813。呢間鋪頭賣意粉為主，亦都有意大利飯，披薩，同各種小食。噉我哋就試左一個燉飯同一個意粉。白汁海鮮燉飯。燉飯嘅份量都幾大，男人食都應該夠飽嘅，味道衹能夠話係一般。海鮮都足料嘅，有蝦，青口同魷魚。不過食到一大半嘅時候，個飯就覺得好滯，唔係太食得落去喇。明太子鮮蝦意粉。明太子雖多，但本身以意粉個汁比較稀，所以個意粉都唔算好creamy，有啲失色，蝦亦略嫌唔夠彈牙，衹能夠話似係homemade嘅意粉。芝士焗意式肉丸。呢個小食最為正路，有番茄味之餘又唔會話太酸太鹹，肉丸分量算多，味道亦都唔錯，所以呢個小食感覺係最高分。菠蘿特飲，即係雪碧加罐頭菠蘿，都係一般啦。總結，雖然係主打意粉，但意粉質素都只係平平，反而肉丸有質素，同區嚟講小店會係支持嘅，不過同樣價錢亦都有更加好嘅選擇。
話說之前都講過，屯門市中心大部分都係連鎖店，冇乜小店嘅足跡，有嘅話最多都喺華都商場嗰邊，今日就去另一間華都入邊嘅小店，想走cafe路線嘅US813。
呢間鋪頭賣意粉為主，亦都有意大利飯，披薩，同各種小食。噉我哋就試左一個燉飯同一個意粉。
白汁海鮮燉飯。
燉飯嘅份量都幾大，男人食都應該夠飽嘅，味道衹能夠話係一般。海鮮都足料嘅，有蝦，青口同魷魚。不過食到一大半嘅時候，個飯就覺得好滯，唔係太食得落去喇。
明太子鮮蝦意粉。
明太子雖多，但本身以意粉個汁比較稀，所以個意粉都唔算好creamy，有啲失色，蝦亦略嫌唔夠彈牙，衹能夠話似係homemade嘅意粉。
芝士焗意式肉丸。
呢個小食最為正路，有番茄味之餘又唔會話太酸太鹹，肉丸分量算多，味道亦都唔錯，所以呢個小食感覺係最高分。
菠蘿特飲，即係雪碧加罐頭菠蘿，都係一般啦。
總結，雖然係主打意粉，但意粉質素都只係平平，反而肉丸有質素，同區嚟講小店會係支持嘅，不過同樣價錢亦都有更加好嘅選擇。
張貼
