Wings Bar & Restaurant (已結業)

因為晏晝食得太飽既關係…結果將個晚餐順延到sheep打完波之後, 即係十一點幾~又因為sheep受傷既關係…唔能夠行太遠~所以就黎左呢度食….其實都唔係太肯定到底有咩食…只係知道呢道有心太軟….所以就黎望望啦~間野都唔少人, 但係好多都係黎飲野既~最多都係叫0的小食….都係既~咁夜邊有人食飯呢~結果我地叫左一個是日意粉(白汁海鮮意粉)同一個心太軟…白汁海鮮意粉一黎到, 好香既奶油味….好似好吸引….一食落去呢~不得了….因為好creamy, 雖然個汁唔係好多, 僅僅夠包住0的意粉, 但係真係好好味~睇得出唔係普通加生粉水果隻白汁…..但係份量真係好少呢~以六十蚊黎講~可能呢個時段係當作小食, 唔會太大碟啦~心太軟無耐都黎到啦~一切開…唔係好流呢…我懷疑係焗得過左火…因為蛋糕既部分比正常多左一倍, 中間空心既部份唔係好多, 食到最後仲覺得其實係咪食緊朱古力蛋糕….而且係佢頭頂上面果個雪糕好硬好硬….要好用力先可以切開….味道一般, 唔係特別出色…食完都未必會記得佢係咩味~但係因為個意粉實在太好味既關係~我俾個笑面而且俾多一次機會佢….下次黎食正餐~