Dr. Italian Pizza & Pasta (已結業)

最近好鍾意去Gogo mall food court 食嘢，因為有好多的小食店，同各樣嘅美食選擇，例如章魚燒， 皺皮腸粉， burger，肉骨頭等，每間小店都各有特色同招牌菜式。 今次來試下呢間在7月份新開張良心小店，主打既pizza同意粉。點完餐等左10分鐘就有得食，好快手。2-3人餐 $150啖啖肉細批 Pizza 8吋大，餅底好脆，非常足料，有粟米，火腿，辣肉腸，肉粒，芝士。 果然啖啖肉，哈。即叫即整，熱辣辣，芝士味又香濃。特濃芝士汁粟米帶子意粉絕對值得一試，意粉軟硬度適中，唔會過淋。而個芝士醬好creamy好香濃，又唔會蓋過帶子嘅鮮甜味。細雞軟骨粒粒香脆惹味，有少少椒鹽七味粉，炸粉唔厚， 可以一試小食。提拉米蘇用Cream cheese整，中間嗰層係栗子蓉，咖啡味唔算太濃。奶凍士多啤梨味奶凍不過不失， 飯後甜甜嘴。